Rubio óskar Ís­lendingum til hamingju með daginn

Í kveðju sem er birt á Facebook-síðu bandaríska sendiráðsins óskar Rubio Íslendingum til hamingju með þjóðhátíðardaginn fyrir hönd Bandaríkjanna. 

Í kveðjunni minnist hann meðal annars á að 75 ár séu liðin frá því varnarsamningur Bandaríkjanna og Íslands var undirritaður og segir það hafa tryggt stöðugleika á norðurslóðum. 

Hann segir nýsköpun Íslendinga, meðal annars á sviði orkumála og gagnavera, knýja áfram viðskiptatækifæri sem gagnist þjóðunum báðum og segist hlakka til áframhaldandi árangurríks samstarfs.