Fjögur látin í á­rekstri skólarútu og lestar

Jean-Luc Crucke, samgönguráðherra Belgíu, staðfesti í morgun að tvö börn á táningsaldri, ökumaður rútunnar og umsjónarmaður barnanna hefðu látist í slysinu, að því er belgíski fjölmiðillinn HLN segir.

AP-fréttastofan segir að fimm börn til viðbótar hafi verið flutt alvarlega slösuð á sjúkrahús.

Skólarútunni var ekið yfir lestarteina þrátt fyrir að viðvörunarljós loguðu og að vegslá væri niðri, að sögn Geerts Hermans, borgarstjóra í Buggenhout, um þrjátíu kílómetra norðvestur af Brussel þar sem slysið varð um klukkan 8:15 að staðartíma í morgun.

Hundrað farþegar voru um borð í lestinni en engar fréttir eru um að þeim hafi orðið líkamlega meint af árekstrinum. Áætlað er að lestin hafi verið á um 120 kílómetra hraða þegar hún skall á smárútunni.

Fréttin verður uppfærð.