Loka­tölur í Grundarfjarðarbæ: Fram­sóknar­menn með meiri­hluta

Talningu í Grundarfirði er lokið. Á kjörskrá voru 639 en 471 atkvæði var greitt (73,71 prósenta kjörsókn). Auðir seðlar voru 15 og ógildir seðlar fjórir.

B-listi Framsóknar og félagshyggjufólks hlaut 253 atkvæði og fær því fjóra fulltrúa í sveitarstjórn og bætir við sig einum. Þeir eru Fannar Þór Þorfinnsson byggingarfulltrúi, Signý Gunnarsdóttir, Aðalsteinn Jósepsson og Þuríður Gía Jóhannesdóttir.

D-listi Sjálfstæðisflokks og óháðra hlaut 199 atkvæði og fær þrjá fulltrúa og tapar því einum. Þeir eru Jósef Kjartansson, verktaki og forseti bæjarstjórnar, Ágústa Einarsdóttir markþjálfi og Bjarni Sigurbjörnsson bæjarfulltrúi.