Andri fékk ekki að hjálpa pabba og lið Guð­jóns Vals vann upp mikið for­skot

Gummersbach náði því í stig eftir að hafa komið sér í afar slæma stöðu í fyrri hálfleiknum, en staðan að honum loknum var 19-12 fyrir gestina. Teitur Örn Einarsson og Elliði Snær Viðarsson skoruðu tvö mörk hvor fyrir Gummersbach. Ýmir Örn Gíslason var ekki með Göppingen.

Eftir ótrúlega sigurgöngu Gummersbach frá því í desember hefur liðið nú fengið eitt stig úr síðustu tveimur leikjum en er engu að síður í 4. sæti, með 44 stig úr 30 leikjum. Göppingen er í 9. sæti með 29 stig.

Blær með tvö í afar dýrmætum sigri

Í fallbaráttunni vann Leipzig óhemju mikilvægan sigur gegn Erlangen, 30-29, þar sem Blær Hinriksson skoraði tvö mörk fyrir Leipzig.

Hvorki Viggó Kristjánsson né Andri Már Rúnarsson spiluðu með Erlangen, gegn sínu gamla liði, en Andri hafði haft í hyggju að hjálpa pabba sínum Rúnari Sigtryggssyni sem stýrir Wetzlar í fallbaráttunni.

Staðan er núna þannig að Leipzig með 13 stig og Minden með 12 stig sitja í fallsætunum en Wetzlar er svo með naumindum fyrir ofan fallsætin, með 13 stig en betri markatölu en Leipzig.