Ís­lensku landsliðskonurnar hjálpuðu að landa fyrsta stiginu

Blomberg-Lippe hafði tapað þremur fyrstu leikjum sínum og Nyköbing var á toppi riðilsins.

Það munaði ekki miklu að Blomberg-Lippe næði að vinna því liðið var tveimur mörkum yfir, 29-27, þegar tæpar fjórar mínútur voru eftir. Þá komu þrjú dönsk mörk í röð en þýska liðinu tókst að jafna í 30-30.

Íslensku landsliðskonurnar Díana Dögg Magnúsdóttir og Elín Rósa Magnúsdóttir skoruðu báðar fjögur mörk og aðeins Nieke Kühne (9 mörk) skoraði fleiri mörk fyrir Blomberg-Lippe í kvöld.

Blomberg-Lippe hefði þurft að vinna til að eiga möguleika á því að vera annað tveggja liðanna sem komast áfram í átta liða úrslitin en aðeins tvær umferðir eru eftir og Blomberg-Lippe er bara með eitt stig.