Fantasýn: Er að hugsa um að taka fyrirliðabandið af Haaland

Haaland mætir þar Englandsmeisturum Liverpool sem hafa verið að rétta úr kútnum í síðustu leikjum og þá sérstaklega þegar kemur að varnarleiknum.

Skítið út af Liverpool og City

„Þessi umferð er kannski skrítin út af Liverpool og City-leiknum. Við gætum viljað koma Liverpool-mönnunum inn eftir þessa umferð,“ sagði Albert Þór. Gestur hans í þættinum var Liverpool-stuðningsmaðurinn Ágúst Þór Ágústsson.

„Ég þrauka þá í eina viku í viðbót,“ sagði Ágúst.

„Við erum ekkert að mæla með því að losa Haaland en City er að detta inn í leik á móti Liverpool og svo á móti Newcastle úti,“ sagði Albert.

„Ef við kíkjum á fyrirliðaval fyrir næstu umferð þá er það allt í einu orðin ákvörðun. Haaland er ekki ‚auto-captain' á móti Liverpool, en ég myndi ekkert endilega tala fólki af því heldur. Hann er bara alltaf líklegur,“ sagði Albert.

Ágúst Þór velti því fyrir sér hvort það væri munur á því hvað Haaland væri að gera á móti Liverpool á Ethiad eða Anfield þar sem hann skorar aldrei.

7-9-13

„Ég þarf að kynna mér tölfræðina hans á móti Liverpool á Etihad. Hann skorar aldrei á Anfield, 7-9-13, en hann er örugglega búinn að lauma inn nokkrum mörkum á Liverpool á Etihad,“ sagði Ágúst.

Albert er að velta því fyrir sér að taka fyrirliðabandið af Haaland og setja það á Jean-Philippe Mateta hjá Crystal Palace.

„Ég horfi á liðið mitt og horfi á Haaland. Við hliðina á honum er Mateta sem er heima á móti Brighton,“ sagði Albert.

Það er betra að vera með Sýn þegar þú spilar Fantasy Premier League. Fantasýn er Fantasy Premier League-hlaðvarp Sýnar, heimili enska boltans á Íslandi. Þáttastjórnendur eru Albert Þór Guðmundsson og Sindri Kamban. Nýjasta þáttinn má nálgast hér fyrir neðan.