Ráðin fram­kvæmda­stjóri Sólar ehf.

Í tilkynningu segir að Ingunn hafi hafið störf hjá Sólar árið 2014 og hafi mikla þekkingu á rekstri og starfsemi félagsins. Hún hafi lengst leitt þjónustu- og mannauðssvið Sólar, þar sem hún hafi meðal annars þróað metnaðarfull fræðslumál félagsins og innleiddi jafnlaunavottun.

Í kjölfar ráðningar Ingunnar hefur stjórn félagsins einnig gert tvær breytingar á stjórnendahóp félagsins.

„Vilborg Anna Garðarsdóttir kom til starfa hjá Sólar í lok árs 2024 sem aðalbókari en tók í sumar við sem Sviðsstjóri fjármála og reksturs. Vilborg hefur lengst af starfað í bókhaldi og fjármálum á sínum starfsferli sem nýtist vel í nýju hlutverki.

Aneta Beata Wlodarczyk, sem áður gegndi stöðu deildarstjóra þjónustudeildar hefur verið ráðin Sviðsstjóri þjónustusviðs. Aneta hefur starfað hjá Sólar í 18 ár, verið einn af lykilstarfsmönnum félagins og þekkir því starfsemi þess afar vel.

Vilborg og Aneta hafa báðar hafið störf í nýjum hlutverkum,“ segir í tilkynningunni.

Sólar ehf. er íslenskt ræstinga- og þjónustufyrirtæki með starfsemi um allt land og um 500 starfsmenn.