„Hann varð fyrir gríðarlega miklum árásum úr samfélaginu“ Magnús Jochum Pálsson skrifar 16. september 2025 07:17 Ómar Ragnarsson er 85 ára í dag en hann hefur brallað ýmislegt gegnum tíðina. Ólafur Sveinsson hefur síðustu ár unnið að heimildarmynd um Ómar Ragnarsson. Hann segir ómögulegt að ná utan um atburðaríka ævi Ómars í einni mynd en hún fjallar um umbrotatíma í lífi Ómars í kringum virkjun Kárahnjúka og stofnun Íslandshreyfingarinnar Ómar fagnar 85 ára afmæli í dag og í tilefni af því birtir Vísir myndefni úr óútgefinni heimildarmyndinni. Einnig ræddi blaðamaður við Ólaf Sveinsson, leikstjóra sem er búsettur í Berlín en er staddur hér á landi til að ljúka við myndina. Ólafur Sveinsson hefur setið lengi á myndefninu en segir að nú sé kominn tími til að gefa það út.Vísir/Anton Brink Ólafur segir að í raun sé ómögulegt að gera eina heimildarmynd um ævi Ómars, hann hafi brugðið sér í svo mörg hlutverk gegnum tíðina: keppt í frjálsum og rallý, starfað sem skemmtikraftur, fréttamaður, leikið og sungið, gefið út bækur, gert kvikmyndir, flogið um loftin blá og barist fyrir náttúrunni. „Ómar hefur verið mesti gleðigjafi þjóðarinnar frá því hann var í menntaskóla og fram yfir áttrætt, hann á gríðarlega mikið af textum og lögum, sennilega eini lagasmiður þjóðarinnar sem kann ekki á hljóðfæri, það er endalaust hægt að tala um Ómar, það er ótrúlegt hverju hann hefur komið í verk og hann er þjóðargersemi,“ segir Ólafur. Klippa: Brot úr nýrri heimildarmynd um Ómar Ragnarsson Meginhluti heimildarmyndarinnar er unninn upp úr myndefni sem var tekið á árunum 2005 til 2007 af mismunandi aðilum, sem eru flestir góðir vinir Ómars, og hefur sáralítið af því komið fyrir almenningssjónir. Hins vegar spannar myndin tuttugu ára tímabil og fóru síðustu tökurnar fram fyrr á þessu ári við Hálslón. „Uppistaðan í myndinni eru miklir umbrotatímar í lífi Ómars árin 2006 og 2007 tengdir byggingu Kárahnjúkavirkjunar og ákvörðun hans um að koma ekki aðeins úr felum sem náttúruverndarsinni haustið 2006, skömmu áður en byrjað var að safna vatni í Hálslón, heldur líka að berjast fyrir náttúruvernd og gegn stóriðju með því að stofna nýjan stjórnmálaflokk,“ segir Ólafur. Barðist fyrir náttúru og fréttamennsku Fyrsti hluti myndarinnar fjallar um ferðir Ómars með ferðamenn um áhrifasvæði Kárahnjúkavirkjunar, skömmu áður en byrjað var að safna vatni í Hálslón. Síðan má sjá Ómar sigla um Hálslón á litlum hvítum plastbát, Örkinni hans Ómars, eftir íslenska syndaflóðið í Kárahnjúkavirkjun og svo stofnun hans á Íslandshreyfingunni. „Það var Ómar sem átti langstærstan þátt í að vekja athygli á því hvað hálendið kringum Snæfell norðaustan Vatnajökuls, sem var eitt best varðveitta leyndamál íslenskrar náttúru þar til framkvæmdir við Kárahnjúkavirkjun hófust, var mikil gersemi,“ segir Ólafur. „Hann var einn af sárafáum fréttamönnum sem fjallaði reglulega um byggingu hennar og áhrifasvæði, stærstu, dýrustu og umdeildustu framkvæmd íslandssögunnar, í mikilli óþökk þeirra valdamanna sem harðast börðust fyrir byggingu Kárahnjúkavirkjunar, og kröfðust þess að hann yrði rekinn frá Sjónvarpinu.“ „Hann var líka að berjast fyrir fréttamennsku, að mega segja frá vegna þess að hann varð fyrir gríðarlega miklum árásum úr samfélaginu, ekki síst frá valdaflokkum, bara af því hann fjallaði um Kárahnjúkavirkjun og náttúruna,“ segir Ólafur. „Hann fórnaði gríðarmiklu“ „Hann og margir fleiri sem voru í baráttunni á þessum tíma, eins og Guðmundur Páll Ólafsson heitinn, urðu ekki bara fyrir einelti heldur voru símarnir hleraðir hjá þeim og lögreglan elti þá, þessi barátta Ómars varð til þess að fyrirtæki treystu sér ekki til að styðja hann fjárhagslega.“ „Þetta hafði gríðarmikil áhrif á hans persónulega líf og hann fórnaði gríðarmiklu,“ segir Ólafur. Áform og yfirlýsingar Jóhanns Páls Jóhannssonar umhverfisráðherra „um stórframkvæmdir út um allt land“ hafi verið Ólafi áminning um að myndin þyrfti að koma út og að baráttan fyrir náttúrunni væri enn jafnmikilvæg. „Umhverfisráðherrann virðist hafa ákveðið að kippa rammaáætlun úr sambandi sem var lýðræðisleg leið til þess að komast að því hvað mætti virkja og hvað ekki. Allt í einu skiptir það ekki málil,“ segir hann.„Þar heggur sá er hlífa skyldi.“ Ólafur segir forsætisráðherra og utanríkisráðherra boða stórstyrjöld gegn landinu. Talað sé um virkjanir, vindmyllur og einfaldara regluverk. Baráttan fyrir friðun náttúruhaldi áfram með Hvammsvirkjun og næstu kynslóðir þurfi þá að taka við keflinu. „Baráttan fyrir friðun náttúru landsins, þar sem hann stóð í fremstu víglínu, heldur áfram, nú undir forystu annara. Kjalölduveita, Þjórsárver, Hvammsvirkjun, Krýsuvík, Garpsdalur, Seyðisfjörður, Eyjafjörður – vatnsaflsvirkjanir, gufuaflsvirkjanir, vindorkuver og laxeldi,“ segir Ólafur. Ólafur var til viðtals í Bítinu á Bylgjunni í morgun. Umhverfismál Kvikmyndagerð á Íslandi Ríkisstjórn Kristrúnar Frostadóttur Vatnsaflsvirkjanir Vindorka Tengdar fréttir Ómar Ragnarsson verðlaunaður á Degi íslenskrar náttúru Þúsundþjalasmiðurinn Ómar Ragnarsson hlaut í dag Náttúruverndarviðurkenningu Sigríðar í Brattholti. Þetta er í þrettánda sinn sem náttúruverndarviðurkenningin er afhent á Degi íslenskrar náttúru. 16. september 2022 16:20 Mest lesið Betra að vera blankur nemi í New York Lífið Upplifði stöðugan ótta við helvíti í samfélagi múslima í Svíþjóð Lífið Kynlífið innantómt með öðrum en fyrrverandi Lífið „Segið að ég sé samkynhneigður en ekki ljúga með hitt“ Lífið Fékk lífið til baka á korteri eftir tólf ár af sársauka Lífið Drepur alla sköpun að taka sig alvarlega og halda að maður sé eitthvað Lífið Staðfesta loks sambandið Lífið Áslaug Arna kom alblóðug inn í sjúkratjaldið Lífið Með blæðandi hjarta og ber örin með stolti Lífið Þóttist ólétt, fæddi dúkkubarn og sagði það svo dáið Lífið Fleiri fréttir Drepur alla sköpun að taka sig alvarlega og halda að maður sé eitthvað Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sextíu fermetrar og fagurrautt Einar skipulagði eigin útför og bauð í partí „Loksins er öll fjölskyldan saman komin“ Allur tilfinningaskalinn á Ungfrú Ísland Teen Elva fann sjálfa sig aftur Fyndnustu dýralífsmyndir ársins Komin með nýjan rappara í sigtið Kosning hafin um sjónvarpsefni ársins Sjá meira
Ómar fagnar 85 ára afmæli í dag og í tilefni af því birtir Vísir myndefni úr óútgefinni heimildarmyndinni. Einnig ræddi blaðamaður við Ólaf Sveinsson, leikstjóra sem er búsettur í Berlín en er staddur hér á landi til að ljúka við myndina. Ólafur Sveinsson hefur setið lengi á myndefninu en segir að nú sé kominn tími til að gefa það út.Vísir/Anton Brink Ólafur segir að í raun sé ómögulegt að gera eina heimildarmynd um ævi Ómars, hann hafi brugðið sér í svo mörg hlutverk gegnum tíðina: keppt í frjálsum og rallý, starfað sem skemmtikraftur, fréttamaður, leikið og sungið, gefið út bækur, gert kvikmyndir, flogið um loftin blá og barist fyrir náttúrunni. „Ómar hefur verið mesti gleðigjafi þjóðarinnar frá því hann var í menntaskóla og fram yfir áttrætt, hann á gríðarlega mikið af textum og lögum, sennilega eini lagasmiður þjóðarinnar sem kann ekki á hljóðfæri, það er endalaust hægt að tala um Ómar, það er ótrúlegt hverju hann hefur komið í verk og hann er þjóðargersemi,“ segir Ólafur. Klippa: Brot úr nýrri heimildarmynd um Ómar Ragnarsson Meginhluti heimildarmyndarinnar er unninn upp úr myndefni sem var tekið á árunum 2005 til 2007 af mismunandi aðilum, sem eru flestir góðir vinir Ómars, og hefur sáralítið af því komið fyrir almenningssjónir. Hins vegar spannar myndin tuttugu ára tímabil og fóru síðustu tökurnar fram fyrr á þessu ári við Hálslón. „Uppistaðan í myndinni eru miklir umbrotatímar í lífi Ómars árin 2006 og 2007 tengdir byggingu Kárahnjúkavirkjunar og ákvörðun hans um að koma ekki aðeins úr felum sem náttúruverndarsinni haustið 2006, skömmu áður en byrjað var að safna vatni í Hálslón, heldur líka að berjast fyrir náttúruvernd og gegn stóriðju með því að stofna nýjan stjórnmálaflokk,“ segir Ólafur. Barðist fyrir náttúru og fréttamennsku Fyrsti hluti myndarinnar fjallar um ferðir Ómars með ferðamenn um áhrifasvæði Kárahnjúkavirkjunar, skömmu áður en byrjað var að safna vatni í Hálslón. Síðan má sjá Ómar sigla um Hálslón á litlum hvítum plastbát, Örkinni hans Ómars, eftir íslenska syndaflóðið í Kárahnjúkavirkjun og svo stofnun hans á Íslandshreyfingunni. „Það var Ómar sem átti langstærstan þátt í að vekja athygli á því hvað hálendið kringum Snæfell norðaustan Vatnajökuls, sem var eitt best varðveitta leyndamál íslenskrar náttúru þar til framkvæmdir við Kárahnjúkavirkjun hófust, var mikil gersemi,“ segir Ólafur. „Hann var einn af sárafáum fréttamönnum sem fjallaði reglulega um byggingu hennar og áhrifasvæði, stærstu, dýrustu og umdeildustu framkvæmd íslandssögunnar, í mikilli óþökk þeirra valdamanna sem harðast börðust fyrir byggingu Kárahnjúkavirkjunar, og kröfðust þess að hann yrði rekinn frá Sjónvarpinu.“ „Hann var líka að berjast fyrir fréttamennsku, að mega segja frá vegna þess að hann varð fyrir gríðarlega miklum árásum úr samfélaginu, ekki síst frá valdaflokkum, bara af því hann fjallaði um Kárahnjúkavirkjun og náttúruna,“ segir Ólafur. „Hann fórnaði gríðarmiklu“ „Hann og margir fleiri sem voru í baráttunni á þessum tíma, eins og Guðmundur Páll Ólafsson heitinn, urðu ekki bara fyrir einelti heldur voru símarnir hleraðir hjá þeim og lögreglan elti þá, þessi barátta Ómars varð til þess að fyrirtæki treystu sér ekki til að styðja hann fjárhagslega.“ „Þetta hafði gríðarmikil áhrif á hans persónulega líf og hann fórnaði gríðarmiklu,“ segir Ólafur. Áform og yfirlýsingar Jóhanns Páls Jóhannssonar umhverfisráðherra „um stórframkvæmdir út um allt land“ hafi verið Ólafi áminning um að myndin þyrfti að koma út og að baráttan fyrir náttúrunni væri enn jafnmikilvæg. „Umhverfisráðherrann virðist hafa ákveðið að kippa rammaáætlun úr sambandi sem var lýðræðisleg leið til þess að komast að því hvað mætti virkja og hvað ekki. Allt í einu skiptir það ekki málil,“ segir hann.„Þar heggur sá er hlífa skyldi.“ Ólafur segir forsætisráðherra og utanríkisráðherra boða stórstyrjöld gegn landinu. Talað sé um virkjanir, vindmyllur og einfaldara regluverk. Baráttan fyrir friðun náttúruhaldi áfram með Hvammsvirkjun og næstu kynslóðir þurfi þá að taka við keflinu. „Baráttan fyrir friðun náttúru landsins, þar sem hann stóð í fremstu víglínu, heldur áfram, nú undir forystu annara. Kjalölduveita, Þjórsárver, Hvammsvirkjun, Krýsuvík, Garpsdalur, Seyðisfjörður, Eyjafjörður – vatnsaflsvirkjanir, gufuaflsvirkjanir, vindorkuver og laxeldi,“ segir Ólafur. Ólafur var til viðtals í Bítinu á Bylgjunni í morgun.
Umhverfismál Kvikmyndagerð á Íslandi Ríkisstjórn Kristrúnar Frostadóttur Vatnsaflsvirkjanir Vindorka Tengdar fréttir Ómar Ragnarsson verðlaunaður á Degi íslenskrar náttúru Þúsundþjalasmiðurinn Ómar Ragnarsson hlaut í dag Náttúruverndarviðurkenningu Sigríðar í Brattholti. Þetta er í þrettánda sinn sem náttúruverndarviðurkenningin er afhent á Degi íslenskrar náttúru. 16. september 2022 16:20 Mest lesið Betra að vera blankur nemi í New York Lífið Upplifði stöðugan ótta við helvíti í samfélagi múslima í Svíþjóð Lífið Kynlífið innantómt með öðrum en fyrrverandi Lífið „Segið að ég sé samkynhneigður en ekki ljúga með hitt“ Lífið Fékk lífið til baka á korteri eftir tólf ár af sársauka Lífið Drepur alla sköpun að taka sig alvarlega og halda að maður sé eitthvað Lífið Staðfesta loks sambandið Lífið Áslaug Arna kom alblóðug inn í sjúkratjaldið Lífið Með blæðandi hjarta og ber örin með stolti Lífið Þóttist ólétt, fæddi dúkkubarn og sagði það svo dáið Lífið Fleiri fréttir Drepur alla sköpun að taka sig alvarlega og halda að maður sé eitthvað Betra að vera blankur nemi í New York Kynlífið innantómt með öðrum en fyrrverandi Fékk lífið til baka á korteri eftir tólf ár af sársauka Staðfesta loks sambandið Einar og Milla skírðu drenginn Með blæðandi hjarta og ber örin með stolti Krakkatían: Kvennafrídagurinn, Ólsen ólsen og málsháttur Áslaug Arna kom alblóðug inn í sjúkratjaldið Upplifði stöðugan ótta við helvíti í samfélagi múslima í Svíþjóð Getur alls ekki verið einn Fréttatía vikunnar: Ungfrú Ísland Teen, Louvre-þjófnaður og hrukkur Myndaveisla: Troðfullur miðbær á kvennafrídegi Borgarfulltrúi bjargaði stolnum barnavagni „Segið að ég sé samkynhneigður en ekki ljúga með hitt“ Notaði ákveðinn mat til að hjálpa í krabbameinsmeðferðinni „Konu“ tónleikar í Hvolnum á Hvolsvelli í kvöld Kim Kardashian greindist með heilagúlp Stjörnurnar þökkuðu Vigdísi Björk deilir „heimi sínum óspilltum“ í nýrri tónleikamynd Óttaðist um líf sitt í Delta-flugi sem nauðlenti á Íslandi Þóttist ólétt, fæddi dúkkubarn og sagði það svo dáið Sextíu fermetrar og fagurrautt Einar skipulagði eigin útför og bauð í partí „Loksins er öll fjölskyldan saman komin“ Allur tilfinningaskalinn á Ungfrú Ísland Teen Elva fann sjálfa sig aftur Fyndnustu dýralífsmyndir ársins Komin með nýjan rappara í sigtið Kosning hafin um sjónvarpsefni ársins Sjá meira
Ómar Ragnarsson verðlaunaður á Degi íslenskrar náttúru Þúsundþjalasmiðurinn Ómar Ragnarsson hlaut í dag Náttúruverndarviðurkenningu Sigríðar í Brattholti. Þetta er í þrettánda sinn sem náttúruverndarviðurkenningin er afhent á Degi íslenskrar náttúru. 16. september 2022 16:20