Ná­grannar kveðja sjón­varps­skjáinn

Þættirnir, sem hafa lengi verið á dagskrá Sýnar, eru sápuópera um nágranna sem búa við götuna Ramsay Street. Þeir hafa verið á skjám sjónvarpsáhorfenda í tæplega fjörutíu ár, eða frá árinu 1985, og yfir níu þúsund þættir hafa nú þegar verið sýndir.

Síðasti tökudagur var í vikunni en síðasti þátturinn verður ekki sýndur fyrr en í desember. 

„Í dag er síðast tökudagur á okkar ástsælu Nágrönnum,“ stendur í færslunni.

Óvissa ríkti um framhald þáttanna árið 2022 þegar spurðist út að framleiðslufyrirtæki þeirra sá ekki fram á að halda framleiðslu þeirra áfram. Amazon tók við framleiðslunni og voru 460 þættir framleiddir.

„Nágrannar er sérstakur þáttur og það hefur verið heiður að fá að búa til nýjustu þáttaraðirnar fyrir tryggu áhorfendurna okkar um allan heim,“ segir Jason Herbison, framleiðandi þáttanna.

„Við höfum bætt við 460 þáttum við rúmlega níu þúsund þátta söguna, eitthvað sem við erum öll mjög stolt af.“

Alan Fletcher, sem lék Karl Kennedy og Jackie Woodburne, sem lék Susan Kennedy, segjast bæði afar þakklát en þau hafa bæði túlkað hlutverkin í um þrjátíu ár. 

„Við erum besta útgáfan af fjölskyldu. Þetta hefur verið villt ferðalag,“ sagði Woodburne samkvæmt umfjöllun Variety.