Fimm­tán daga dómi Ingebrigtsen verður ekki á­frýjað

„Dómurinn mun því standa nema Gjert Arne Ingebrigtsen ákveði sjálfur að áfrýja“ segir í yfirlýsingu saksóknara.

„Þessi ákvörðun er Gjert Ingebrigtsen kærkomin, vegna þess að hún staðfestir að ásakanir um heimilisofbeldi eiga sér enga stoð“ segir lögmaður Gjerts.

Gjert Ingebrigtsen var sakfelldur fyrir líkamsárás eftir að hafa hýtt dóttur sína með blautu handklæði, en sýknaður af ákæru um heimilisofbeldi og öllu ofbeldi gagnvart syni sínum.

Fyrir líkamsárásina hlaut hann ekki eins harða refsingu og hann hefði gert fyrir heimilisofbeldi. Gjert var dæmdur í fimmtán daga skilorðsbundið fangelsi, hann telur málinu nú lokið og mun ekki áfrýja fimmtán daga dómnum.

„[Dóttir hans] er vonsvikin, hún á erfitt með að skilja hvernig saksóknari getur reitt fram sönnunargögn um heimilisofbeldi en síðan bara gefist upp“ segir lögmaður dóttur Gjerts.