Sjáðu slags­málin eftir jöfnunarmark Blika

Það stefndi í óvæntan sigur Framara þegar Blikar fengu þessa vítaspyrnu sem Höskuldur skoraði af öryggi úr.

Höskuldur fékk rauða spjaldið sem og Framarinn Kyle McLagan vegna þess sem gerðist strax eftir markið.

Höskuldur ætlaði að ná í boltann í netið eftir vítið, keyrði fyrst í bakið á Kennie Knak Chopart, fyrirliða Fram, og snéri síðan niður Viktor Freyr Sigurðsson, markvörð Fram, og lagðist ofan á hann.

Höskuldur lenti síðan saman við Kyle sem kom markverði sínum til varnar. Arnar Þór Stefánsson, dómari leiksins sýndi bæði Höskuldi og Kyle rauða spjaldið. Kyle var mjög ósáttur með rauða spjaldið sitt en dæmi nú hver fyrir sig.

Það má sjá þessa ótrúlegu uppákomu hér fyrir ofan en þar má sjá mörkin úr leiknum sem og slagsmálin eftir jöfnunarmarkið.