Byssum stolið úr bíl­skúr í Kópa­vogi

Í heildina var 71 mál skráð í dagbókina milli fimm í gærkvöldi og fimm í morgun og gisti einn fangageymslu lögreglu eftir nóttina.

Lögreglunni barst í gær tilkynning um tvo þjófnaði úr verslunum í Múlunum og þjófnað úr verslun í Kópavogi. Þá barst tilkynning um skemmdarverk í hjólageymslu í Breiðholti en þar er ekki vitað hver var að verki.

Sömu sögu er að segja eftir innbrot í heimahús í miðbænum en þar er ekki vitað hverju var stolið né hver eða hverjir voru að verki.

Nokkrir ökumenn voru handteknir vegna gruns um akstur undir áhrifum.