Leikjavísir

Biðin langa: Rúmt ár í her­leg­heitin

Samúel Karl Ólason skrifar
gta

Grand Theft Auto VI er loks kominn með útgáfudag og á hann að koma út þann 26. maí á næsta ári. Til stóð að leikurinn kæmi út á þessu ári en í tilkynningu frá útgáfufélaginu Rockstar er beðist velvirðingar á því að útgáfa hann hafi tafist.

Þar segir að framleiðendur leiksins þurfi meiri tíma til að tryggja að gæði hans verði í samræmi við þær væntingar sem spilarar hafa og eiga skilið.

Þá segir einnig að von sé á frekari upplýsingum um leikinn á næstunni.

GTA VI hefur verið beðið með mikilli eftirvæntingu um árabil en fimmti leikurinn kom út árið 2013, þá á PlayStation 3. Sá leikur varð fyrir þó nokkrum árum arðvænasta skemmtanaafurð sögunnar. Hann hefur nokkrum sinnum verið uppfærður.

Það var í desember 2023 sem fyrsta stikla leiksins var birt. Nýi leikurinn gerist í Vice City, sem er GTA-útgáfa af Miami. Sú borg var síðast heimsótt í leiknum GTA: Vice City, sem kom út árið 2002.

Eins og í GTA 5 á að vera hægt að spila sem fleiri en ein persóna.

Leikjavísir


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.