Vestur­bæingar búa sig undir fjögurra vikna sundlaugarlokun

Þar segir að í viðhaldslokunum sé farið í viðgerðir á mannvirkjum, málun, múrvinnu og almennt viðhald sem ekki sé hægt að framkvæma á opnunartíma

Í Vesturbæjarlaug er lengri viðhaldslokun en í öðrum sundlaugum þar sem sinna þarf fleiri verkefnum. Má þar nefna málun á laugarkeri, að skipta út rennibraut, færa körfuboltaspjald, lyftu við barnalaug, skipta um neyðarkerfi og annað almennt viðhald.

Framkvæmdir á nýjum sánum

Framkvæmdir á nýjum umtöluðum sánum í Vesturbæjarlaug hefjast föstudaginn 2. maí. 

„Nauðsynlegt reynist að loka sérklefanum á meðan á framkvæmdum stendur þar sem ekki er hægt að tryggja örugga leið til og frá þeim klefa vegna nálægðar við framkvæmdarsvæði. Þetta á einnig við um hjólastólaaðgengi að Vesturbæjarlaug á þessum tíma þar sem inngangur fyrir fólk í hjólastólum er á framkvæmdarsvæði,“ segir í tilkynningu borgarinnar.

Útiklefar verði opnir en munaskápar færðir í anddyri. Gengið verður í klefana frá laug.

„Þegar viðhaldslokanir standa yfir getur verið gaman að bregða út af vananum og heimsækja aðra sundlaug í Reykjavík,“ segir í tilkynningunni sem biðst velvirðingar á því ónæði sem lokanir kunna að valda.

Viðhaldslokanir skarist yfirleitt ekki milli mikið sundlauga en að neðan má sjá dagsetningar yfir lokanir sumarsins í ár.

Viðhaldslokanir í sundlaugum Reykjavíkur í sumar:

• Árbæjarlaug: 19. maí – 4. júní
• Breiðholtslaug: 10. – 17. maí
• Dalslaug: Engin lokun
• Grafarvogslaug: 6. – 12. júní
• Klébergslaug: Engin lokun
• Laugardalslaug: 30. apríl
• Sundhöll: 16. – 24. ágúst
• Vesturbæjarlaug: 26. maí – 23. júní