Bogi les sinn síðasta frétta­tíma á morgun

Þetta tilkynnti Birta Björnsdóttir fréttaþulur í kvöldfréttum RÚV.

„Við minnum á sögulegan fréttatíma á morgun en það verður síðasti fréttatími sem Bogi Ágústsson les,“ sagði Birta í lok fréttatímans.

Bogi hóf störf í hjá Ríkisútvarpinu á meðan hann stundaði nám við Háskóla Íslands 24 ára gamall og hóf störf sem fréttaþulur 25 ára.

Hann hefur sinnt ýmsum störfum innan RÚV á þeim fimmtíu árum sem hann hefur starfað í faginu, til að mynda sem fréttastjóri og forstöðumaður fréttasviðs. Bogi er 73 ára og því kominn á eftirlaun en hefur starfað sem verktaki sem fréttaþulur hjá RÚV.

Sindri Sindrason drakk morgunkaffibollann með Boga fyrir nokkrum mánuðum þar sem þeir fóru yfir líf og störf Boga.