Stefnu­ræðu frestað til mánu­dags

Þetta kemur fram á vef Alþingis. 

Þar segir að umræður um stefnuræðu forsætisráðherra, sem átti að vera kl. 19:40 miðvikudaginn 5. febrúar, verði í staðinn mánudaginn 10. febrúar á sama tíma og með sama fyrirkomulagi og áður hafði verið kynnt.

Þá kemur einnig fram að ekkert verði af þingfundi í dag og að regluleg þingstörf hefjist þriðjudaginn 11. febrúar.

Ræðumenn og dagskrá

Umræður um stefnuræðu skiptast í tvær umferðir. Forsætisráðherra hefur tólf mínútur til framsögu í stefnuræðu sinni. Aðrir þingflokkar en þingflokkur forsætisráðherra hafa sex mínútur í fyrri umferð en í seinni umferð hafa þingflokkarnir sex mínútur hver. 

Röð flokkanna í umræðunum og ræðumenn þeirra eru eftirfarandi:

Samfylkingin

• Kristrún Frostadóttir, forsætisráðherra, í fyrri umferð
• Jóhann Páll Jóhannsson, umhverfis-, orku- og loftslagsráðherra, í seinni umferð

Sjálfstæðisflokkur

• Þórdís Kolbrún R. Gylfadóttir, 1. þingmaður Suðvesturkjördæmis, í fyrri umferð
• Hildur Sverrisdóttir, 8. þingmaður Reykjavíkurkjördæmis suður, í seinni umferð

Viðreisn

• Þorgerður Katrín Gunnarsdóttir, utanríkisráðherra, í fyrri umferð
• Daði Már Kristófersson, fjármála- og efnahagsráðherra, í seinni umferð

Miðflokkurinn

• Sigmundur Davíð Gunnlaugsson, 2. þingmaður Norðausturkjördæmis, í fyrri umferð
• Sigríður Á. Andersen, 6. þingmaður Reykjavíkurkjördæmis norður, í seinni umferð

Flokkur fólksins

• Inga Sæland, félags- og húsnæðismálaráðherra, í fyrri umferð
• Ragnar Þór Ingólfsson, 5. þingmaður Reykjavíkurkjördæmis norður, í seinni umferð

Framsóknarflokkur

• Sigurður Ingi Jóhannsson, 10. þingmaður Suðurkjördæmis, í fyrri umferð
• Stefán Vagn Stefánsson, 5. þingmaður Norðvesturkjördæmis, í seinni umferð