Þau Kristín Ólafsdóttir og Bjarki Sigurðsson fengu til sín tíu frambjóðendur í skemmtilegar og öðruvísi kappræður þar sem þeim voru fengin ýmis verkefni. Horfa má á þáttinn í heild sinni neðst í fréttinni. Meðal þess sem frambjóðendur eru spurðir út í að þessu sinni er hvort þeir hafi íhugað að bjóða sig fram fyrir aðra flokka og þar svarar einungis einn frambjóðandi já.
Þá voru frambjóðendur meðal annars líka spurðir út í námslánakerfið, lögleiðingu vændis, stuðning við Donald Trump, vín í búðum og hvort þeir hefðu einhvern tímann hringt sig inn veika í vinnu án þess að vera raunverulega veikir. Frambjóðendur voru líka spurðir hvort þeir hefðu sagt eða birt eitthvað opinberlega sem þeir voni að enginn muni nokkurn tímann draga fram í sviðsljósið.
Umræðan um Trump byrjar á mínútu 5:01.
Horfa má á Kappleika í heild sinni hér fyrir neðan.
