Flaug alla leið frá Ástralíu til að heimsækja Eiðistorg Oddur Ævar Gunnarsson skrifar 23. nóvember 2024 07:04 Tom í húsakynnum Solid Clouds á Eiðistorgi í bol sem lýsir í engu hæfni hans í Starborne né á sviði stjarneðlisfræði. Vísir/Vilhelm Tom er stjarneðlisfræðingur og einn hæfileikaríkasti spilari í heimi í íslenska tölvuleiknum Starborne: Frontier. Tom er búsettur í Adelaide í Ástralíu og flaug alla leiðina til Íslands til þess að heimsækja félaga sína hjá tölvuleikjafyrirtækinu Solid Clouds á Eiðistorgi og hitta aðra spilara leiksins. „Stjörnurnar röðuðu sér þannig upp að þetta gekk upp,“ segir Tom sem settist niður með Vísi ásamt markaðsstjóra Solid Clouds Aroni Ólafssyni sem eyddi síðustu viku í að taka á móti Tom og félögum hans frá Bretlandi og Eistlandi. Þeir eiga það allir sameiginlegt að spila íslenska fjölspilunar- og herkænskuleikinn Starborne: Frontiers. „Mig hefur alltaf langað til þess að koma til Íslands, svo hef ég kynnst mörgum af mínum bestu vinum í leiknum og líka meðal starfsfólks hjá Solid Clouds. Hingað ætluðu sér nokkrir aðrir spilarar að mæta þannig þetta var líka frábært tækifæri til þess að hitta fleiri,“ útskýrir Tom. Þétt samfélag „Starfsfólk Solid Clouds hefur alltaf verið mjög umhugað um samfélagið sem þetta er orðið sem spilar leikinn. Við eigum okkar hóprás á Discord og þar fór ég að tala við fólk og svo fljótlega kynnast því þegar ég fór að spila leikinn á sínum tíma, þetta er virkilega þétt samfélag,“ segir Tom sem eins og áður segir er stjarneðlisfræðingur. Sem slíkur hafði Tom ýmsa punkta fram að færa enda gerist söguheimur Starborne í geimnum. Solid Clouds var stofnað í Reykjavík árið 2013 af Stefáni Gunnarssyni, Stefáni Björnssyni og Sigurði Arnljótssyni. Fyrsti leikur fyrirtækisins hét Sovereign Space en seinni leikur þess Starborne Frontiers kom út í fyrra. Leikurinn gengur út á herkænsku þar sem spilarar setja sig í hlutverk flotaforingja sem safnar og uppfærir flota til að kanna, skipuleggja og sigra Starborne alheiminn sem er fullur af spennu og bardögum. „Ég sat heima hjá mér að spila Civilization þegar ég rakst á auglýsingu fyrir fyrsta leikinn á Youtube. Það var talað um að þetta væri líkt og Civilization í geimnum og þú getur rétt ímyndað þér hvað ég var fljótur að slá til!“ segir Tom hlæjandi. Hann var fljótur að taka ástfóstri við Starborne heiminum þar sem hann kynntist Aroni og félögum hjá Solid Clouds í gegnum Discord og var meðal fyrstu spilara til þess að fá að prufa báða leiki. Aron og Tom er vel til vina eftir heimsókn hins síðarnefnda til Íslands.Vísir/Vilhelm Fékk að ýta uppfærslunni úr vör Tom og félagar hafa haft nóg fyrir stafni í heimsókn sinni hér á landi. Þannig hafa Aron og félagar verið duglegir að fara með þeim út á land, gullna hringinn svo fátt eitt sé nefnt. Að sögn Arons var það mikilvægasta gert fyrsta daginn. „Við vorum löngu búin að tilkynna útgáfudag og þegar kom að deginum beið samfélagið okkar með öndina í hálsinum, fyrirspurnunum rigndi yfir okkur á Discord um það hvers vegna við værum ekki búin að uppfæra leikinn,“ segir Aron hlæjandi. Þá átti einn af erlendum gestum fyrirtækisins eftir að mæta. „Það var allt klárt en við biðum bókstaflega á skrifstofunni eftir síðasta gestinum, náðum í hann út á flugvöll og keyrðum beint á skrifstofuna þar sem við leyfðum þeim félögum að ýta á takkann sem ýtti uppfærslunni úr vör,“ segir Aron. Tom segir það hafa verið það síðasta sem hann hafi búist við að fá að gera. Með uppfærslunni eiga þeir félagar við Imperium viðbótina sem er sú fyrsta í leiknum. Í viðbótinni líta fjögur stór leikkerfi dagsins ljós, leiðtogakerfi, iðnaðarkerfi, kerfi sem kennt er við stríðandi fylkingar og kerfi boðbera. „Ég bjóst náttúrulega alls ekki við því að fá að gera þetta,“ segir Tom. „Þetta var virkilega skemmtilegt og mjög hátíðlegt allt saman, eða eins hátíðlegt og hægt er að ýta á takka,“ segir hann hlæjandi. Hæverskur er bestur Þá berst talið að leiknum sjálfum. Tom segist tala við sirka tíu til tuttugu manns vegna leiksins á degi hverjum en þegar Tom byrjaði að spila voru einungis tólf aðrir spilarar, þegar fyrri Starborne leikurinn var á prufustigi. „En hugarfarið hefur ekkert breyst, það skiptir engu máli hvar þú ert staddur í leiknum, hvernig þú spilar eða hversu mikið þú kannt, samfélagið hefur alltaf snúist um að hjálpa hvort öðru, athuga hvað er hægt að gera, hvernig er hægt að spila leikinn á nýjan hátt og svo framvegis,“ segir Tom. Og þú ert besti spilari í heimi í leiknum? „Tjaaaaaaaaaa, ég er mjög ástríðufullur fyrir leiknum og ég spila hann mjög mikið,“ segir Tom. Hæverskan að fara með hann og Aron grípur orðið. „Hann er besti spilarinn í leiknum. Hann er kominn lengst og hefur afar djúpan skilning á leiknum, stundum dýpri en við. Hann tekur þetta skrefinu lengra og er með allskyns hugmyndir sem hafa aðstoðað okkur mikið í ferlinu við að búa til leikinn. Þetta sést líka á leiðtogatöflum í leiknum.“ Hann hrósar Tom í hástert, sem alltaf hafi gert sitt besta til þess að aðstoða aðra spilara. Þannig hafi skapast ákveðin menning í leiknum þar sem spilarar aðstoða hver aðra, meðal annars þegar fundnar eru nýjar leiðir til að spila ólíkum herskipum saman í leiknum svo eitthvað sé nefnt. En hvar eru þá allir drullusokkarnir í leiknum? „Sko, mér finnst það skemmtilegasta við leikinn að finna nýja hluti til að gera, nýja herkænsku til að beita og þegar ég finn þær þá vil ég ekki gera þetta einn, ég vil annað fólk með mér. Eins og Aron segir, þá er ég á toppnum en ég vil láta ögra mér og ef ég finn eitthvað nýtt þá vil ég sýna öðrum það til að hjálpa þeim og gera samfélagið enn betra. Það er hugarfarið og það er þannig hjá flestum spilurum. Það er auðvelt að gera það sama og aðrir en þegar maður uppgötvar eitthvað nýtt þá er ekkert skemmtilegra en að deila því með öðrum. Tom segist himinlifandi með heimsókn sína til Íslands. Einungis tveir mánuðir eru síðan hann sló til og tilkynntu þeir félagar Solid Clouds einfaldlega að þeir væru á leiðinni, eða svona því sem næst. „Við ákváðum eiginlega bara að skipuleggja okkar eigið FanFest og næstum tilkynntum þeim hjá Solid Clouds að við værum að mæta,“ segir Tom hlæjandi. Aron segir alla hafa verið himinlifandi að fá þá félaga í heimsókn. „Þetta fjörutíu tíma ferðalag hingað var klárlega þess virði,“ segir Tom. Leikjavísir Seltjarnarnes Solid Clouds Ástralía Íslandsvinir Tengdar fréttir Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48 Mest lesið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun Heitasta listapar landsins á djamminu Lífið „Ég hef ekki trú á öðru en að við lifum þetta af“ Bíó og sjónvarp Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Þetta eru keppendur Ungfrú Ísland Teen 2025 Lífið Gerðið verði besti staðurinn nálægt borginni til að skoða stjörnur Lífið Björgvin Franz kaupir 36 fermetra íbúð í miðbænum Lífið Stjörnulífið: „Bið ekki um meira“ Lífið Fleiri fréttir „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Tveir skiptu með sér sjöfalda pottinum Dýri kveður Íþróttaálfinn eftir tuttugu ár Sjá meira
„Stjörnurnar röðuðu sér þannig upp að þetta gekk upp,“ segir Tom sem settist niður með Vísi ásamt markaðsstjóra Solid Clouds Aroni Ólafssyni sem eyddi síðustu viku í að taka á móti Tom og félögum hans frá Bretlandi og Eistlandi. Þeir eiga það allir sameiginlegt að spila íslenska fjölspilunar- og herkænskuleikinn Starborne: Frontiers. „Mig hefur alltaf langað til þess að koma til Íslands, svo hef ég kynnst mörgum af mínum bestu vinum í leiknum og líka meðal starfsfólks hjá Solid Clouds. Hingað ætluðu sér nokkrir aðrir spilarar að mæta þannig þetta var líka frábært tækifæri til þess að hitta fleiri,“ útskýrir Tom. Þétt samfélag „Starfsfólk Solid Clouds hefur alltaf verið mjög umhugað um samfélagið sem þetta er orðið sem spilar leikinn. Við eigum okkar hóprás á Discord og þar fór ég að tala við fólk og svo fljótlega kynnast því þegar ég fór að spila leikinn á sínum tíma, þetta er virkilega þétt samfélag,“ segir Tom sem eins og áður segir er stjarneðlisfræðingur. Sem slíkur hafði Tom ýmsa punkta fram að færa enda gerist söguheimur Starborne í geimnum. Solid Clouds var stofnað í Reykjavík árið 2013 af Stefáni Gunnarssyni, Stefáni Björnssyni og Sigurði Arnljótssyni. Fyrsti leikur fyrirtækisins hét Sovereign Space en seinni leikur þess Starborne Frontiers kom út í fyrra. Leikurinn gengur út á herkænsku þar sem spilarar setja sig í hlutverk flotaforingja sem safnar og uppfærir flota til að kanna, skipuleggja og sigra Starborne alheiminn sem er fullur af spennu og bardögum. „Ég sat heima hjá mér að spila Civilization þegar ég rakst á auglýsingu fyrir fyrsta leikinn á Youtube. Það var talað um að þetta væri líkt og Civilization í geimnum og þú getur rétt ímyndað þér hvað ég var fljótur að slá til!“ segir Tom hlæjandi. Hann var fljótur að taka ástfóstri við Starborne heiminum þar sem hann kynntist Aroni og félögum hjá Solid Clouds í gegnum Discord og var meðal fyrstu spilara til þess að fá að prufa báða leiki. Aron og Tom er vel til vina eftir heimsókn hins síðarnefnda til Íslands.Vísir/Vilhelm Fékk að ýta uppfærslunni úr vör Tom og félagar hafa haft nóg fyrir stafni í heimsókn sinni hér á landi. Þannig hafa Aron og félagar verið duglegir að fara með þeim út á land, gullna hringinn svo fátt eitt sé nefnt. Að sögn Arons var það mikilvægasta gert fyrsta daginn. „Við vorum löngu búin að tilkynna útgáfudag og þegar kom að deginum beið samfélagið okkar með öndina í hálsinum, fyrirspurnunum rigndi yfir okkur á Discord um það hvers vegna við værum ekki búin að uppfæra leikinn,“ segir Aron hlæjandi. Þá átti einn af erlendum gestum fyrirtækisins eftir að mæta. „Það var allt klárt en við biðum bókstaflega á skrifstofunni eftir síðasta gestinum, náðum í hann út á flugvöll og keyrðum beint á skrifstofuna þar sem við leyfðum þeim félögum að ýta á takkann sem ýtti uppfærslunni úr vör,“ segir Aron. Tom segir það hafa verið það síðasta sem hann hafi búist við að fá að gera. Með uppfærslunni eiga þeir félagar við Imperium viðbótina sem er sú fyrsta í leiknum. Í viðbótinni líta fjögur stór leikkerfi dagsins ljós, leiðtogakerfi, iðnaðarkerfi, kerfi sem kennt er við stríðandi fylkingar og kerfi boðbera. „Ég bjóst náttúrulega alls ekki við því að fá að gera þetta,“ segir Tom. „Þetta var virkilega skemmtilegt og mjög hátíðlegt allt saman, eða eins hátíðlegt og hægt er að ýta á takka,“ segir hann hlæjandi. Hæverskur er bestur Þá berst talið að leiknum sjálfum. Tom segist tala við sirka tíu til tuttugu manns vegna leiksins á degi hverjum en þegar Tom byrjaði að spila voru einungis tólf aðrir spilarar, þegar fyrri Starborne leikurinn var á prufustigi. „En hugarfarið hefur ekkert breyst, það skiptir engu máli hvar þú ert staddur í leiknum, hvernig þú spilar eða hversu mikið þú kannt, samfélagið hefur alltaf snúist um að hjálpa hvort öðru, athuga hvað er hægt að gera, hvernig er hægt að spila leikinn á nýjan hátt og svo framvegis,“ segir Tom. Og þú ert besti spilari í heimi í leiknum? „Tjaaaaaaaaaa, ég er mjög ástríðufullur fyrir leiknum og ég spila hann mjög mikið,“ segir Tom. Hæverskan að fara með hann og Aron grípur orðið. „Hann er besti spilarinn í leiknum. Hann er kominn lengst og hefur afar djúpan skilning á leiknum, stundum dýpri en við. Hann tekur þetta skrefinu lengra og er með allskyns hugmyndir sem hafa aðstoðað okkur mikið í ferlinu við að búa til leikinn. Þetta sést líka á leiðtogatöflum í leiknum.“ Hann hrósar Tom í hástert, sem alltaf hafi gert sitt besta til þess að aðstoða aðra spilara. Þannig hafi skapast ákveðin menning í leiknum þar sem spilarar aðstoða hver aðra, meðal annars þegar fundnar eru nýjar leiðir til að spila ólíkum herskipum saman í leiknum svo eitthvað sé nefnt. En hvar eru þá allir drullusokkarnir í leiknum? „Sko, mér finnst það skemmtilegasta við leikinn að finna nýja hluti til að gera, nýja herkænsku til að beita og þegar ég finn þær þá vil ég ekki gera þetta einn, ég vil annað fólk með mér. Eins og Aron segir, þá er ég á toppnum en ég vil láta ögra mér og ef ég finn eitthvað nýtt þá vil ég sýna öðrum það til að hjálpa þeim og gera samfélagið enn betra. Það er hugarfarið og það er þannig hjá flestum spilurum. Það er auðvelt að gera það sama og aðrir en þegar maður uppgötvar eitthvað nýtt þá er ekkert skemmtilegra en að deila því með öðrum. Tom segist himinlifandi með heimsókn sína til Íslands. Einungis tveir mánuðir eru síðan hann sló til og tilkynntu þeir félagar Solid Clouds einfaldlega að þeir væru á leiðinni, eða svona því sem næst. „Við ákváðum eiginlega bara að skipuleggja okkar eigið FanFest og næstum tilkynntum þeim hjá Solid Clouds að við værum að mæta,“ segir Tom hlæjandi. Aron segir alla hafa verið himinlifandi að fá þá félaga í heimsókn. „Þetta fjörutíu tíma ferðalag hingað var klárlega þess virði,“ segir Tom.
Leikjavísir Seltjarnarnes Solid Clouds Ástralía Íslandsvinir Tengdar fréttir Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48 Mest lesið Lovísa Rós er Ungfrú Ísland Teen Lífið „Nú dýrka ég að vera vaxin eins og fæðing Venusar“ Tíska og hönnun Heitasta listapar landsins á djamminu Lífið „Ég hef ekki trú á öðru en að við lifum þetta af“ Bíó og sjónvarp Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Þetta eru keppendur Ungfrú Ísland Teen 2025 Lífið Gerðið verði besti staðurinn nálægt borginni til að skoða stjörnur Lífið Björgvin Franz kaupir 36 fermetra íbúð í miðbænum Lífið Stjörnulífið: „Bið ekki um meira“ Lífið Fleiri fréttir „Verið ekki að sjúga lítil typpi því þið verðið hrukkóttar“ „Pylsusala“ á Lækjartorgi á kvennafrídaginn Lovísa Rós er Ungfrú Ísland Teen Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Tveir skiptu með sér sjöfalda pottinum Dýri kveður Íþróttaálfinn eftir tuttugu ár Sjá meira
Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48
Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?”