Hafi ekki verið að gera lítið úr öryrkjum og bölvar gallaðri reiknivél Magnús Jochum Pálsson skrifar 11. september 2024 19:18 Kristófer Már Maronsson, hagfræðingur, bölvar gallaðri reiknivél TR og birtir leiðréttingar á útreikningum sínum. Getty Kristófer Már Maronsson, hagfræðingur og starfsmaður þingflokks Sjálfstæðisflokksins, segir galla í reiknivél TR hafa valdið því að útreikningar hans á ráðstöfunartekjum einstæðrar móður á örorkubótum voru kolrangir. Hann hafi ekki verið að gera lítið úr öryrkjum með greininni. Kristófer birti skoðanagreinina „Þið mótmælið… afleiðingum eigin gjörða“ á Vísi í gær sem svar við greininni „Við mótmælum..“ eftir Ragnar Þór, formann VR og Ásthildi Lóu, þingmanns Flokks fólksins, þar sem þau hvöttu fólk til mótmæla háu vaxtastigi. Þar tók hann dæmi um einstæða móður á örorkubótum í erfiðri stöðu og notaði til þess reiknivél á vef TR til að áætla ráðstöfunartekjur hennar. Greinin vakti mikla athygli og kom á daginn að hún var uppfull af rangfærslum vegna galla í reiknivélinni sem Kristófer notaði. Meðal þeirra sem vöktu athygli á rangfærslunum var Ragnar Þór. Hann sagði að ekki nóg með að greinin væri uppfull af rangfærslum heldur vildi Kristófer gefa til kynna að helsti drifkraftur verðbólgu væru launahækkanir og að lönd sem hafi haft jákvæða raunvexti og lágar launahækkanir hafi gengið betur í baráttunni við verðbólgu. Þegar lönd eins og Svíþjóð og Þýskaland væru skoðuð sæist að það væri ekki rétt. Vísaði í gögnin í góðri trú Kristófer hefur gengist við vitlausum útreikningum sínum í nýrri grein á Vísi í kvöld. Honum þykir miður að hafa gert slík mistök en hann hafi treyst á reiknivél TR sem hafi síðan reynst gölluð. „Margir hafa sagt mér, misfallega, að ég hefði nú átt að vita að þessi niðurstaða gæti ekki verið rétt,“ skrifar Kristófer um ráðstöfunartekjur einstæðrar móður sem hann reiknaði út að væru 688 þúsund á mánuði eftir skatt. Hann segist hafa í einfeldni sinni haldið að hann væri með réttar tölur í höndunum þegar hann skoðaði reiknivél opinberrar stofnunar. „Mér hefur verið gert ljóst að þessi opinberu gögn eru röng sem ég vísaði í - í góðri trú. Reiknivélin hefur nú verið tekin úr umferð, sem er vel og rétt hjá TR á meðan unnið er að viðgerð á henni,“ skrifar Kristófer. Nýir útreikningar Kristófer birtir í greininni uppfærða útreikninga sem hann segist hafa fengið eftir að hafa ráðfært sig við fólk sem væri vel að sér í örorkulífeyriskerfinu. Hann kemst að þeirri niðurstöðu að séu bætur frá TR eftir skatt lagðar saman við barna- og vaxtabætur fái einstæða móðirin 598 þúsund krónur á mánuði. Því til viðbótar fái hún 16.667 krónur í vaxtastuðning í ár sem hún geti notað til að lækka afborgun húsnæðislánsins. Þetta sé þó allt saman eftir að hann gefi sér ákveðnar forsendur, t.d. um eignastöðu, en hann birtir niðurstöðurnar á Google Sheets og segir að talan gæti verið einhvers staðar á þessu bili séu ekki fleiri villur í reiknivél eða á vefsíðu TR. „Ég var ekki að gera lítið úr öryrkjum“ Þá segir Kristófer að meiningin með greininni hafi ekki verið að gera lítið úr öryrkjum eða segja að einstæða móðirin hefði það bara sæmilegt. Hann hafi verið að biðja fólk um að dæma hvort ráðstöfunartekjurnar væru glæpsamlegt ofbeldi. „Miðað við uppfærðar ráðstöfunartekjur og þær forsendur sem gefnar voru upp um afborganir þá væri afborgun af verðtryggðu láni um 26% af ráðstöfunartekjum (155 þús. kr. á mánuði) og af óverðtryggðu láni um 45% af ráðstöfunartekjum (270 þús. kr. á mánuði) án sérstaks vaxtastuðnings,“ skrifar hann. Þá segir hann að kerfi þjóðarinnar séu flókin hvort sem það sé örorkulífeyris-, barnabóta- eða skattkerfið. Hans persónulega skoðun sé sú að þessi einstæða móðir sem vitnað er í geti ráðið við afborgun á verðtryggðu láni miðað við þær forsendur sem séu gefnar. Loks segist Kristófer munu svara Ragnari Þór sérstaklega í grein. Efnahagsmál Verðlag Sjálfstæðisflokkurinn Ríkisstjórn Bjarna Benediktssonar Fjármál heimilisins Mest lesið „Stundin sem við höfum óttast er runnin upp“ Erlent Hermenn bauluðu á Biden, Newsom og blaðamenn Erlent Vinnuslys við Suðurlandsbraut Innlent Fastir á Keflavíkurflugvelli í þrjá daga án útskýringa Innlent Halla flytur hátíðarávarpið í stað Kristrúnar Innlent Sigurður Fannar játar að hafa banað dóttur sinni Innlent Undirbúa flutning þúsunda til Guantánamo Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Hæstiréttur staðfestir nauðgunardóm Najeb Innlent Fleiri fréttir Fjölmiðlafrumvarpið „ein allsherjarhefndarför gegn Morgunblaðinu“ „Þingið hefur verið svipt aðhaldi sínu“ Ógn loftslagsbreytinga við fæðuöryggi stórlega vanmetin Fastir á Keflavíkurflugvelli í þrjá daga án útskýringa Hvalurinn kominn út á haf Fastir í flugstöðinni í fjóra daga og Trump-Tesla í Keflavík Sigurður Fannar játar að hafa banað dóttur sinni Bein útsending: Eldhúsdagsumræður á Alþingi Máttu ekki tjalda á Arnarhóli Sterametið mölbrotið í Leifsstöð: Lögðu hald á um 9 lítra af sterum og 44 þúsund töflur Hæstiréttur staðfestir nauðgunardóm Najeb Kolbrún svarar í engu kröfu um að hún skuldi afsökunarbeiðni Vinnuslys við Suðurlandsbraut Fótboltagláp, ráfandi djammarar og nú fljúgandi nefhjól Stendur í stafni fyrir samevrópska nefnd WHO um lýðheilsu Dagur gáttaður á Viðskiptaráði: „Leigufélögin eru ekki andskotinn sjálfur“ Stórauka þjónustu Strætó í lok sumars Bein útsending: Byggjum til framtíðar – með gæði, heilnæmi og sjálfbærni að leiðarljósi Miklar breytingar hjá Play og nefhjól í lausu lofti Háhyrningurinn synti rakleiðis í strand Halla flytur hátíðarávarpið í stað Kristrúnar Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ Sjá meira
Kristófer birti skoðanagreinina „Þið mótmælið… afleiðingum eigin gjörða“ á Vísi í gær sem svar við greininni „Við mótmælum..“ eftir Ragnar Þór, formann VR og Ásthildi Lóu, þingmanns Flokks fólksins, þar sem þau hvöttu fólk til mótmæla háu vaxtastigi. Þar tók hann dæmi um einstæða móður á örorkubótum í erfiðri stöðu og notaði til þess reiknivél á vef TR til að áætla ráðstöfunartekjur hennar. Greinin vakti mikla athygli og kom á daginn að hún var uppfull af rangfærslum vegna galla í reiknivélinni sem Kristófer notaði. Meðal þeirra sem vöktu athygli á rangfærslunum var Ragnar Þór. Hann sagði að ekki nóg með að greinin væri uppfull af rangfærslum heldur vildi Kristófer gefa til kynna að helsti drifkraftur verðbólgu væru launahækkanir og að lönd sem hafi haft jákvæða raunvexti og lágar launahækkanir hafi gengið betur í baráttunni við verðbólgu. Þegar lönd eins og Svíþjóð og Þýskaland væru skoðuð sæist að það væri ekki rétt. Vísaði í gögnin í góðri trú Kristófer hefur gengist við vitlausum útreikningum sínum í nýrri grein á Vísi í kvöld. Honum þykir miður að hafa gert slík mistök en hann hafi treyst á reiknivél TR sem hafi síðan reynst gölluð. „Margir hafa sagt mér, misfallega, að ég hefði nú átt að vita að þessi niðurstaða gæti ekki verið rétt,“ skrifar Kristófer um ráðstöfunartekjur einstæðrar móður sem hann reiknaði út að væru 688 þúsund á mánuði eftir skatt. Hann segist hafa í einfeldni sinni haldið að hann væri með réttar tölur í höndunum þegar hann skoðaði reiknivél opinberrar stofnunar. „Mér hefur verið gert ljóst að þessi opinberu gögn eru röng sem ég vísaði í - í góðri trú. Reiknivélin hefur nú verið tekin úr umferð, sem er vel og rétt hjá TR á meðan unnið er að viðgerð á henni,“ skrifar Kristófer. Nýir útreikningar Kristófer birtir í greininni uppfærða útreikninga sem hann segist hafa fengið eftir að hafa ráðfært sig við fólk sem væri vel að sér í örorkulífeyriskerfinu. Hann kemst að þeirri niðurstöðu að séu bætur frá TR eftir skatt lagðar saman við barna- og vaxtabætur fái einstæða móðirin 598 þúsund krónur á mánuði. Því til viðbótar fái hún 16.667 krónur í vaxtastuðning í ár sem hún geti notað til að lækka afborgun húsnæðislánsins. Þetta sé þó allt saman eftir að hann gefi sér ákveðnar forsendur, t.d. um eignastöðu, en hann birtir niðurstöðurnar á Google Sheets og segir að talan gæti verið einhvers staðar á þessu bili séu ekki fleiri villur í reiknivél eða á vefsíðu TR. „Ég var ekki að gera lítið úr öryrkjum“ Þá segir Kristófer að meiningin með greininni hafi ekki verið að gera lítið úr öryrkjum eða segja að einstæða móðirin hefði það bara sæmilegt. Hann hafi verið að biðja fólk um að dæma hvort ráðstöfunartekjurnar væru glæpsamlegt ofbeldi. „Miðað við uppfærðar ráðstöfunartekjur og þær forsendur sem gefnar voru upp um afborganir þá væri afborgun af verðtryggðu láni um 26% af ráðstöfunartekjum (155 þús. kr. á mánuði) og af óverðtryggðu láni um 45% af ráðstöfunartekjum (270 þús. kr. á mánuði) án sérstaks vaxtastuðnings,“ skrifar hann. Þá segir hann að kerfi þjóðarinnar séu flókin hvort sem það sé örorkulífeyris-, barnabóta- eða skattkerfið. Hans persónulega skoðun sé sú að þessi einstæða móðir sem vitnað er í geti ráðið við afborgun á verðtryggðu láni miðað við þær forsendur sem séu gefnar. Loks segist Kristófer munu svara Ragnari Þór sérstaklega í grein.
Efnahagsmál Verðlag Sjálfstæðisflokkurinn Ríkisstjórn Bjarna Benediktssonar Fjármál heimilisins Mest lesið „Stundin sem við höfum óttast er runnin upp“ Erlent Hermenn bauluðu á Biden, Newsom og blaðamenn Erlent Vinnuslys við Suðurlandsbraut Innlent Fastir á Keflavíkurflugvelli í þrjá daga án útskýringa Innlent Halla flytur hátíðarávarpið í stað Kristrúnar Innlent Sigurður Fannar játar að hafa banað dóttur sinni Innlent Undirbúa flutning þúsunda til Guantánamo Erlent Tók smá snúning en aftur kominn á svipaðar slóðir Innlent Þrjú ár fyrir að svíkja út 156 milljónir og leggja inn á fjölskylduna Innlent Hæstiréttur staðfestir nauðgunardóm Najeb Innlent Fleiri fréttir Fjölmiðlafrumvarpið „ein allsherjarhefndarför gegn Morgunblaðinu“ „Þingið hefur verið svipt aðhaldi sínu“ Ógn loftslagsbreytinga við fæðuöryggi stórlega vanmetin Fastir á Keflavíkurflugvelli í þrjá daga án útskýringa Hvalurinn kominn út á haf Fastir í flugstöðinni í fjóra daga og Trump-Tesla í Keflavík Sigurður Fannar játar að hafa banað dóttur sinni Bein útsending: Eldhúsdagsumræður á Alþingi Máttu ekki tjalda á Arnarhóli Sterametið mölbrotið í Leifsstöð: Lögðu hald á um 9 lítra af sterum og 44 þúsund töflur Hæstiréttur staðfestir nauðgunardóm Najeb Kolbrún svarar í engu kröfu um að hún skuldi afsökunarbeiðni Vinnuslys við Suðurlandsbraut Fótboltagláp, ráfandi djammarar og nú fljúgandi nefhjól Stendur í stafni fyrir samevrópska nefnd WHO um lýðheilsu Dagur gáttaður á Viðskiptaráði: „Leigufélögin eru ekki andskotinn sjálfur“ Stórauka þjónustu Strætó í lok sumars Bein útsending: Byggjum til framtíðar – með gæði, heilnæmi og sjálfbærni að leiðarljósi Miklar breytingar hjá Play og nefhjól í lausu lofti Háhyrningurinn synti rakleiðis í strand Halla flytur hátíðarávarpið í stað Kristrúnar Olíudreifing sýknuð af tug milljóna króna bótakröfu Costco Segir Ísland stunda hvítþvott í svörum til SÞ Aðalmeðferð hafin í máli Sigurðar Fannars Tók smá snúning en aftur kominn á svipaðar slóðir Neitaði að borga fyrir leigubílinn og braut rúðu í lögreglubíl Hnattræn hlýnun gerði hitabylgjuna í maí hlýrri og mun líklegri en ella Háhyrning rak á land í Grafarvogi Reisa tuttugu bekki til minningar um Bryndísi Klöru Tilfinningaþrungin ræða á þingi SÞ: „Stolt, fötluð, og óendanlega þakklát“ Sjá meira