Starmer sagður hafa látið fjar­lægja mál­verk af Thatcher

Baldwin greindi frá því á Aye Write-bókahátíðinni í Glasgow að hann hefði setið með Starmer í svokallaðri „Thatcher-stofu“, þar sem Thatcher var með skrifstofu þegar hún var forsætisráðherra, og orðið litið á málverkið sem hékk yfir þeim.

„Það er svolítið ónotanlegt að hafa hana starandi á sig, er það ekki,“ sagði hann við Starmer, sem svaraði játandi. Baldwin spurði þá hvort Starmer hyggðist láta fjarlægja málverkið og aftur játti forsætisráðherrann.

Að sögn Baldwin hefur málverkið nú verið fjarlægt en það var pantað af Gordon Brown, þáverandi forsætisráðherra, og afhjúpað árið 2009. Thatcher er sögð hafa valið skartið og næluna sem hún ber á myndinni.

Ákvörðun Starmers hefur verið gagnrýnd af Íhaldsmönnum en þess ber að geta að Starmer hefur lofað Thatcher fyrir ýmsar breytingar sem hún kom til leiða á Bretlandseyjum.

Þess ber að geta að menntamálaráðherrann Jacqui Smith sagði í samtali við Sky News í morgun að málverkið hefði aðeins verið fært til en hún gat þó ekki sagt til um hvert.