„78 ára milljarðamæringur sem hefur ekki hætt að væla um vandamálin sín“ Hólmfríður Gísladóttir skrifar 21. ágúst 2024 07:28 Barack Obama sagðist vera eini maðurinn sem væri svo vitlaus að stíga á svið á eftir eigikonu sinni, sem uppskar jafnvel meiri fögnuð viðstaddra en forsetinn fyrrverandi. Getty/Joe Raedle Barack og Michelle Obama, Bernie Sanders og nokkrir háttsettir Repúblikanar voru meðal þeirra sem komu fram á landsþingi Demókrataflokksins í gær. „Já, hún getur!“ hrópuðu viðstaddir þegar forsetinn fyrrverandi hélt ræðu sína en eins og þekkt er var „Já, við getum!“ slagorð kosningabaráttu hans fyrir forsetakosningarnar árið 2008. „Við þörfnumst ekki fjögurra ára í viðbót af vandræðum og veseni og kaos,“ sagði Obama. „Við höfum séð þá mynd áður og vitum að framhaldsmyndin er oftast verri. Bandaríkin eru reiðubúin fyrir nýjan kafla. Bandaríkin eru reiðubúin fyrir betri sögu. Við erum reiðubúin fyrir Kamölu Harris forseta.“ Obama sagðist vongóður þar sem landsþing Demókrataflokksins hefðu reynst góður stökkpallur fyrir „krakka með skrýtin nöfn sem trúa á land þar sem allt er mögulegt“ og vísaði þar til ræðu sem hann hélt sjálfur á landsþinginu fyrir nákvæmlega 20 árum. Ræðan kom Obama á kortið og sama ár var hann kjörinn öldungadeildarþingmaður fyrir Illinois. Harris tók þátt í þeirri kosningabaráttu og studdi Obama einnig í forvalinu gegn Hillary Clinton fjórum árum síðar. .@KamalaHarris and @Tim_Walz believe in an America where "We the People" includes everyone. Because that's the only way this American experiment works. And despite what our politics might suggest, I think most Americans understand that. pic.twitter.com/hGZnK7A0ys— Barack Obama (@BarackObama) August 21, 2024 Obama minnti viðstadda hins vegar einnig á að þrátt fyrir hin mikla meðbyr sem Harris og varaforsetaefni hennar Tim Walz hafa notið væri enn afar tvísýnt um úrslitin; menn ættu að mæta á kjörstað og spyrja sig að því hvort forsetaefnið myndi berjast fyrir þá. Harris hafði alla tíð barist fyrir því að veita öðrum þau tækifæri sem hún naut. Sama væri ekki hægt að segja um Donald Trump. „Þetta er 78 ára milljarðamæringur sem hefur ekki hætt að væla um vandamálin sín frá því að hann kom niður gullrúllustigann fyrir níu árum,“ sagði Obama. „Þetta hefur verið stöðugur straumur af vandamálum og kvörtunum, sem hafa versnað nú þegar hann er hræddur um að tapa fyrir Kamölu.“ „Barnaleg uppnefni og brjálaðar samsæriskenningar. Þráhyggja yfir fjölda viðstaddra. Áfram mætti telja. Um daginn heyrði ég einhvern líkja Trump við nágranna sem hefur laufblásarann í gangi fyrir utan gluggann þinn hverja mínútu hvern dag. Af hálfu nágranna er það þreytandi. Af hálfu forseta er það hættulegt.“ Þegar viðstaddir hófu að púa þegar minnst var á Trump, sagði Obama: „Ekki púa. Kjósið!“ Barack Obama eviscerated Donald Trump in a speech at the Democratic National Convention, saying that Trump “has not stopped whining about his problems” since he announced his first campaign in 2015. pic.twitter.com/wqtmLQ91yg— The New York Times (@nytimes) August 21, 2024 Enn langt í land Obama sagði Harris ekki nágrannann sem kveikti á laufblásaranum heldur nágrannann sem kæmi til aðstoðar þegar eitthvað bjátaði á. Hann hvatti menn hins vegar til að hunsa ekki þá sem væru hinum megin á hinu pólitíska litrófi, heldur hlusta á þá. Michelle Obama gagnrýndi Trump fyrir þröngsýni og sagði hann hafa gert allt til að gera þau hjónin tortryggileg. Þá gerði hún lítið úr þeirri fullyrðingu Trump, sem hann hefur notað til að höfða til svartra kjósenda, um að innflytjendur væru að taka „svört störf“. „Hver ætlar að segja honum að starfið sem hann er núna að sækjast eftir gæti verið eitt af þessum „svörtu störfum“,“ spurði hún við mikinn fögnuð viðstaddra. Stephanie Grisham, fyrrverandi fjölmiðlafulltrúi Donald Trump og talsmaður Melaniu Trump, var meðal þeirra Repúblikana sem stigu á svið í gær og hvöttu fólk til að kjósa Harris. Former Trump press secretary Stephanie Grisham tells the DNC she never held a White House briefing "because, unlike my boss, I never wanted to stand at that podium and lie. Now, here I am behind a podium advocating for a Democrat." https://t.co/40Dlee2KMG pic.twitter.com/eDhNhkCaiz— ABC News (@ABC) August 20, 2024 Hún sagði að á bak við lokaðar dyr gerði Trump lítið úr kjósendum sínum og kallaði þá „kjallarabúa“. Eitt sinn þegar hann heimsótti gjörgæslu þar sem fólk lá fyrir dauðanum hefði hann haft meiri áhyggjur af því að myndavélarnar fylgdu honum ekki stöðugt eftir. Þá sýndi Grisham skilaboð milli sín og Melaniu daginn sem ráðist var inn í þinghúsið, þar sem Grisham spurði hvort hún ætti ekki að senda út skilaboð um að menn ættu að mótmæla með friðasamlegum hætti. „Nei,“ svaraði forsetafrúin þáverandi. Annar Repúblikani sem steig á svið var John Giles, borgarstjóri Mesa í Arizona. „Ég þarf að gera játningu. Ég hef tilheyrt Repúblikanaflokknum allt mitt líf. En ég upplifi mig meira heima hér en í Repúblikanaflokknum eins og hann er í dag.“ Það hefur verið mikið um dýrðir á landsþinginu en sérfræðingar hafa varað Demókrata við því að verða of værukærir. Þrátt fyrir að skoðanakannanir sýni Harris og Walz í sókn sé mjög tvísýnt um framhaldið og afar mjótt á munum í barátturíkjunum, til að mynda Pennsylvaníu. Forsetakosningar í Bandaríkjunum 2024 Bandaríkin Barack Obama Donald Trump Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Kynntu fyrirhugaðan Sæbrautarstokk Innlent Vildu að skikkjan yrði rifin af öxlum Ómars Innlent Fjórtán ára piltur grunaður um að leggja hníf að hálsi annars við Hvaleyrarvatn Innlent Skera niður til að mæta launahækkunum Innlent Fleiri fréttir Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Sjá meira
„Já, hún getur!“ hrópuðu viðstaddir þegar forsetinn fyrrverandi hélt ræðu sína en eins og þekkt er var „Já, við getum!“ slagorð kosningabaráttu hans fyrir forsetakosningarnar árið 2008. „Við þörfnumst ekki fjögurra ára í viðbót af vandræðum og veseni og kaos,“ sagði Obama. „Við höfum séð þá mynd áður og vitum að framhaldsmyndin er oftast verri. Bandaríkin eru reiðubúin fyrir nýjan kafla. Bandaríkin eru reiðubúin fyrir betri sögu. Við erum reiðubúin fyrir Kamölu Harris forseta.“ Obama sagðist vongóður þar sem landsþing Demókrataflokksins hefðu reynst góður stökkpallur fyrir „krakka með skrýtin nöfn sem trúa á land þar sem allt er mögulegt“ og vísaði þar til ræðu sem hann hélt sjálfur á landsþinginu fyrir nákvæmlega 20 árum. Ræðan kom Obama á kortið og sama ár var hann kjörinn öldungadeildarþingmaður fyrir Illinois. Harris tók þátt í þeirri kosningabaráttu og studdi Obama einnig í forvalinu gegn Hillary Clinton fjórum árum síðar. .@KamalaHarris and @Tim_Walz believe in an America where "We the People" includes everyone. Because that's the only way this American experiment works. And despite what our politics might suggest, I think most Americans understand that. pic.twitter.com/hGZnK7A0ys— Barack Obama (@BarackObama) August 21, 2024 Obama minnti viðstadda hins vegar einnig á að þrátt fyrir hin mikla meðbyr sem Harris og varaforsetaefni hennar Tim Walz hafa notið væri enn afar tvísýnt um úrslitin; menn ættu að mæta á kjörstað og spyrja sig að því hvort forsetaefnið myndi berjast fyrir þá. Harris hafði alla tíð barist fyrir því að veita öðrum þau tækifæri sem hún naut. Sama væri ekki hægt að segja um Donald Trump. „Þetta er 78 ára milljarðamæringur sem hefur ekki hætt að væla um vandamálin sín frá því að hann kom niður gullrúllustigann fyrir níu árum,“ sagði Obama. „Þetta hefur verið stöðugur straumur af vandamálum og kvörtunum, sem hafa versnað nú þegar hann er hræddur um að tapa fyrir Kamölu.“ „Barnaleg uppnefni og brjálaðar samsæriskenningar. Þráhyggja yfir fjölda viðstaddra. Áfram mætti telja. Um daginn heyrði ég einhvern líkja Trump við nágranna sem hefur laufblásarann í gangi fyrir utan gluggann þinn hverja mínútu hvern dag. Af hálfu nágranna er það þreytandi. Af hálfu forseta er það hættulegt.“ Þegar viðstaddir hófu að púa þegar minnst var á Trump, sagði Obama: „Ekki púa. Kjósið!“ Barack Obama eviscerated Donald Trump in a speech at the Democratic National Convention, saying that Trump “has not stopped whining about his problems” since he announced his first campaign in 2015. pic.twitter.com/wqtmLQ91yg— The New York Times (@nytimes) August 21, 2024 Enn langt í land Obama sagði Harris ekki nágrannann sem kveikti á laufblásaranum heldur nágrannann sem kæmi til aðstoðar þegar eitthvað bjátaði á. Hann hvatti menn hins vegar til að hunsa ekki þá sem væru hinum megin á hinu pólitíska litrófi, heldur hlusta á þá. Michelle Obama gagnrýndi Trump fyrir þröngsýni og sagði hann hafa gert allt til að gera þau hjónin tortryggileg. Þá gerði hún lítið úr þeirri fullyrðingu Trump, sem hann hefur notað til að höfða til svartra kjósenda, um að innflytjendur væru að taka „svört störf“. „Hver ætlar að segja honum að starfið sem hann er núna að sækjast eftir gæti verið eitt af þessum „svörtu störfum“,“ spurði hún við mikinn fögnuð viðstaddra. Stephanie Grisham, fyrrverandi fjölmiðlafulltrúi Donald Trump og talsmaður Melaniu Trump, var meðal þeirra Repúblikana sem stigu á svið í gær og hvöttu fólk til að kjósa Harris. Former Trump press secretary Stephanie Grisham tells the DNC she never held a White House briefing "because, unlike my boss, I never wanted to stand at that podium and lie. Now, here I am behind a podium advocating for a Democrat." https://t.co/40Dlee2KMG pic.twitter.com/eDhNhkCaiz— ABC News (@ABC) August 20, 2024 Hún sagði að á bak við lokaðar dyr gerði Trump lítið úr kjósendum sínum og kallaði þá „kjallarabúa“. Eitt sinn þegar hann heimsótti gjörgæslu þar sem fólk lá fyrir dauðanum hefði hann haft meiri áhyggjur af því að myndavélarnar fylgdu honum ekki stöðugt eftir. Þá sýndi Grisham skilaboð milli sín og Melaniu daginn sem ráðist var inn í þinghúsið, þar sem Grisham spurði hvort hún ætti ekki að senda út skilaboð um að menn ættu að mótmæla með friðasamlegum hætti. „Nei,“ svaraði forsetafrúin þáverandi. Annar Repúblikani sem steig á svið var John Giles, borgarstjóri Mesa í Arizona. „Ég þarf að gera játningu. Ég hef tilheyrt Repúblikanaflokknum allt mitt líf. En ég upplifi mig meira heima hér en í Repúblikanaflokknum eins og hann er í dag.“ Það hefur verið mikið um dýrðir á landsþinginu en sérfræðingar hafa varað Demókrata við því að verða of værukærir. Þrátt fyrir að skoðanakannanir sýni Harris og Walz í sókn sé mjög tvísýnt um framhaldið og afar mjótt á munum í barátturíkjunum, til að mynda Pennsylvaníu.
Forsetakosningar í Bandaríkjunum 2024 Bandaríkin Barack Obama Donald Trump Mest lesið Töluverður eldsvoði og þrír fluttir af vettvangi í sjúkrabíl Innlent Mjög alvarlegt tilfelli Innlent Tekur sér leyfi frá Alþingi til að fara í áfengismeðferð Innlent Segja slúbberta hjá hinu opinbera kosta ríkið 30 til 50 milljarða árlega Innlent Útburður manns úr Bríetartúni dreginn til baka Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Kynntu fyrirhugaðan Sæbrautarstokk Innlent Vildu að skikkjan yrði rifin af öxlum Ómars Innlent Fjórtán ára piltur grunaður um að leggja hníf að hálsi annars við Hvaleyrarvatn Innlent Skera niður til að mæta launahækkunum Innlent Fleiri fréttir Eyðilegging í íbúðahverfi í San Diego eftir að lítil flugvél hrapaði Samþykktu billjóna dollara skattalækkanir og niðurskurð til velferðarmála Norðmaður fékk flutningaskip næstum inn í húsið á meðan hann svaf Tveir ísraelskir sendiráðsstarfmenn skotnir til bana í Washington Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Sjá meira