Sport

Dag­­skráin í dag: Sam­fé­lags­skjöldurinn til Manchester borgar

Siggeir Ævarsson skrifar
Fyrirliðarnir Kyle Walker og Bruno Fernandes ættu báðir að vera klárir í slaginn fyrir leikinn í dag
Fyrirliðarnir Kyle Walker og Bruno Fernandes ættu báðir að vera klárir í slaginn fyrir leikinn í dag vísir/Getty

Það er af nógu að taka á rásum Stöðvar 2 Sport í dag en enski boltinn er að rúlla af stað á ný eftir sumarfrí sem mun eflaust gleðja ófáa áhorfendur. Svo er íslenski boltinn að sjálfsögðu líka á sínum stað í besta sætinu.

Stöð 2 Sport

Viðureign Breiðabliks og Þórs/KA í Bestu deild kvenna er á dagskrá klukkan 15:50 en þar má búast við hörkuleik á milli liðanna í 2. og 3. sæti deildarinnar.

Umferðin verður svo gerð upp í Bestu mörkunum klukkan 18:00.

Vodafone Sport

Á Vodafone Sport verður leikur Leeds og Portsmouth í ensku B-deildinni í beinni klukkan 11:25 en stórleikur dagsins er viðureign Manchester United og Manchester City þegar liðin leika um Samfélagsskjöldinn. Útsending frá honum hefst klukkan 14:00.

Fótboltinn heldur svo áfram að úrslitaleiknum loknum þegar Birmingham City og Reading mætast í ensku C-deildinni klukkan 16:25.

Klukkan 19:00 er svo komið að golfi, U.S. Womens Amateur á US Open og við lokum kvöldinu svo með hafnabolta klukkan 22:30 þegar Nationals og Angels mætast í MLB deildinni.

Dagskráin í dag

Mest lesið


Fleiri fréttir

Sjá meira


×

Mest lesið