Orðin þreytt á netníðinu og enda­lausum saman­burði við Biles

Douglas var stærsta stjarna bandarískra fimleika áður en Biles skaust upp á stjörnuhimininn í Ríó 2016.

Ýmsir hafa verið gjarnir á að bera þær Douglas og Biles og þá er samanburðurinn einatt þeirri fyrrnefndu í óhag. Douglas fékk loks nóg á dögunum og svaraði fyrir sig í athugasemd við myndband á TikTok þar sem gert var lítið úr henni.

„Að verða fyrir stanslausu einelti er lýjandi og þreytandi fyrir mig. Ég vil bara lifa mínu lífi í friði. Takk fyrir ástina! Það er ekki vanþörf á henni í þessum heimi,“ skrifaði Douglas.

Þær Biles voru samherjar í bandaríska landsliðinu sem vann liðakeppnina á Ólympíuleikunum í Ríó 2016. Biles hefur einnig sagt að hún hafi litið mjög upp til Douglas.