Lífið

Snerting Egils Ólafs­sonar við lífið og til­veruna

Heimir Már Pétursson skrifar
Egill Ólafsson leikur aðalhlutverkið í Snertingu, nýrri kvikmynd eftir Baltasar Kormák. Langir vinnudagar og ferðalög hingað og þangað um heiminn reyndu á því Egill glímir við Parkinson sjúkdóminn. Hann segir hreyfingu lykilatriði í þeirri glímu og gengur alla morgna á kaffihúsafund á Skólavörðustíg og hreinsar í leiðinni rusl af götunni sinni, Klapparstígnum.
Egill Ólafsson leikur aðalhlutverkið í Snertingu, nýrri kvikmynd eftir Baltasar Kormák. Langir vinnudagar og ferðalög hingað og þangað um heiminn reyndu á því Egill glímir við Parkinson sjúkdóminn. Hann segir hreyfingu lykilatriði í þeirri glímu og gengur alla morgna á kaffihúsafund á Skólavörðustíg og hreinsar í leiðinni rusl af götunni sinni, Klapparstígnum. Stöð 2/Einar

Egill Ólafsson segir mikilvægt að hreyfa sig til að vinna gegn framþróun Parkinson sjúkdómsins. Heimir Már slóst í gönguferð með Agli þar sem þeir ræddu um hlutverk hans í kvikmyndinni Snertingu og allt milli himins og jarðar.

Flestir dagar hjá Agli Ólafssyni hefjast á gönguferð um Klapparstíginn þar sem hann plokkar í leiðinni upp rusl sem verður á vegi hans. Þessi margbrotni listamaður sem á blómlegan feril að baki í tónlist og leiklist tekur lífinu með bros á vör þótt síðustu misseri hafi hann glímt við Parkinson sjúkdóminn.

Egill Ólafsson segist alltaf vera að, stöðugt að semja nýtt efni og hann hreyfi sig mikið til að halda aftur af Parkinson sjúkdómnum.Stöð 2/Einar

„Já það hjálpar mér mikið,“ segir Egill á göngunni. „Ég hreyfi mig alltaf á hverjum degi. Þarf helst að ganga svona tvo til þrjá kílómetra á dag til að vera í þokkalegu standi. Því Parkinn er þannig að hann étur menn upp ef þeir ekki hreyfa sig,“ segir listamaðurinn á meðan hann tínir upp rusl með kló á Klapparstígnum þar sem hann býr.

Egill fer með aðalhlutverkið í Snertingu, nýrri kvikmynd Baltasar Kormáks eftir bók Ólafs Jóhanns Ólafssonar, sem forsýnd var í vikunni og kemur til almennra sýninga rétt fyrir mánaðamót. Þar leikur hann Kristófer, mann yfir miðjum aldri, sem fer yfir hálfan hnöttinn að leita æskuástarinnar.

Snerting, er þetta mynd eftir að þú ert búinn að sjá hana, sem snertir þig sem leikara og heldur þú að hún snerti áhorfendur?

„Ég vona að hún snerti. Hún snerti mig sem leikara. Ég verð að segja að ég tárast nú sjaldan en ég táraðist þarna á frumsýningunni. Kannski bara yfir því hvað lífið er skrýtiðí laginu,“ segir Egill. Sjá má ítarlegt viðtal við hann sem var í Íslandi í dag í spilaranum hér fyrir neðan.

Kvikmyndagerð á Íslandi Tónlist Menning

Tengdar fréttir

Egill mætti með barnabörnin á forsýningu Snertingar

Hátiðarforsýning á íslensku kvikmyndinni Snertingu í leikstjórn Baltasar Kormáks fór fram með pompi og prakt í Smárabíó í gærkvöldi. Sýningin var gríðarlega vel sótt og voru þar meðal annars alþjóðlegar stórstjörnur sem vinna nú með Baltasar að þáttagerð hér á landi.

Stjörnulífið: Löng helgi, hátíðarsýning og tónleikar

Helgin var löng og virðast flestir hafa gripið tækifærið til þess að gera eitthvað skemmtilegt. Stjörnur landsins skinu skært eins og þeim einum er lagið hvort sem það var á hátíðarsýningu kvikmyndarinnar Snerting, tónleikum Mínuss og XXX Rottweilerhunda eða á ferðalögum erlendis.

Frumsýning á Vísi: Fyrsta kitlan úr Snertingu

Snerting, nýjasta kvikmynd Baltasars Kormáks, verður frumsýnd á Íslandi 29. maí næstkomandi. Myndin er byggð á samnefndri skáldsögu Ólafs Jóhanns Ólafssonar, sem var mest selda bókin á Íslandi árið 2020 og hlaut mikið lof gagnrýnenda.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.