Myndaveisla: Hlátrasköll ómuðu um Elliða­ár­dal

Meðal þeirra sem mættu voru Ásta Sigríður Fjeldsted forstjóri Festi hf., Vigdís Häsler, Kristjana Steingrímsdóttir heilsukokkur og Linda Ben áhrifavaldur.

Inga Berg leiddi gönguna en hennar sérsvið er að samtvinna göngur og jákvæða sálfræði. Það er hennar trú að göngur í góðum félagsskap sé einhver albesta leiðin til að huga að heilsunni. Dóri DNA fór með ógleymanlegt uppistand en stemmingin var engri lík í rjóðri Elliðaárdals þar sem íslenska náttúran setti fallegan brag á þennan nærandi viðburð. 

„Við hjá Lyfju brennum fyrir að efla heilsu landsmanna og þessi viðburður er svo sannarlega til þess gerður að næra líkama og sál,“ segir Arnheiður Leifsdóttir, markaðsstjóri Lyfju. Lyfja stóð fyrir viðburðinn.

Eygló Gísladóttir ljósmyndari fangaði stemninguna á svæðinu eins og henni einni er lagið.