Æsandi bíltúr norður í land Kolbeinn Tumi Daðason skrifar 22. maí 2024 11:17 Steinunn Ólína, Ásdís Rán og Ástþór Magnússon áður en sest var upp í bíl. Ásdís Rán Gunnarsdóttir, Ástþór Magnússon og Steinunn Ólína Þorsteinsdóttir ætla að bruna sem leið liggur norður til Akureyrar í dag þar sem forsetakvöldvaka fer fram á Græna hattinum. Von er á æsandi bíltúr að sögn Steinunnar. Auk þeirra þriggja mæta Helga Þórisdóttir og Viktor Traustason á samkomustað þeirra Akureyringa í göngugötunni. Auglýst er eftir gítarleikara. Ásdís Rán og Steinunn Ólína ræddu ferðalagið fram undan í Bítinu á morgun en snertu þó fyrst á galakvöldi helgarinnar þar sem Ásdís Rán bauð meðframjóðendum sínum á rauða dregilinn. „Fannst ykkur þetta ekki flott? Mig langaði að gleðja alla frambjóðendurnar. Það hefur verið svo mikið að gera hjá öllum, allir með þétta dagskrá. Ég held við finnum öll að það hefur vantað móment þar sem maður getur notið þess að vera í framboði, klætt sig upp og tekið svolítið forsetapartý. Það þarf að þjálfa þetta fólk í að koma fram eins og forseti svo ég tók smá kennslustund í leiðinni,“ sagði Ásdís Rán í Bítinu. Það sem hefði falist í kennslustundinni væri að klæða sig upp, hafa sig til og vera glæsileg á rauða dreglinum. „Það mættu allir nema Jón Gnarr sem var úti á landi, Arnar Þór var einhvers staðar og svo kom Felix í staðinn fyrir Baldur.“ Ásdís Rán flutti ræðu og Steinunn Ólína söng fyrir fólkið. Steinunn Ólína söng lagið Besame Mucho með glæsibrag. Silla Páls „Hún var svo ótrúlega sniðug og góð að hún fór upp á svið og söng. Ég vissi ekki að hún myndi syngja svona ofboðslega vel en þetta var bara með því allra flottasta sem ég hef heyrt.“ Steinunn Ólína var ánægð með framtak Ísdrottningarinnar. „Veistu, þetta var svo glæsilegt og rausnarlegt hjá henni Ásdísi. Hún gengur þarna fram með góðu fordæmi. Svo elskuleg að bjóða okkur öllum.“ Ásdís segist hafa heyrt að fólk sé hissa á að hún hafi boðið meðframbjóðendum til veislu. „Það er ekkert að því. Ég keppi ekki við fólk. Við erum öll við sjálf. Eina manneskjan sem ég er að keppa við er ég sjálf.“ Sterk liðsheild Steinunn lýsir góðri liðsheild meðal frambjóðenda og snýr sér að verkefni dagsins. „Til dæmis erum við Meistaradeildin Ásdís, ég, Ástþór Magnússon, Viktor og hún Helga - við erum að standa fyrir framboðsfundi á Græna hattinum á Akureyri klukkan 20 í kvöld. Það sem er mest æsandi af öllu er að við Ástþór og Ásdís verðum saman í bíl í dag. Ég get ekki beðið.“ Ásdís hvetur fólk til að fylgjast með þeim á samfélagsmiðlum. Ástþór og Ásdís brostu sínu breiðasta í galaveislunni.Silla Páls „Það verða beinar útsendingar úr símanum mínum, símanum hjá Steinunni og hinum líka eflaust,“ segir Ásdís. „Þetta verður það eina sem verður í fréttum í dag nema það fari að gjósa,“ bætir Steinunn við. Streymi verður á persónulegri Facebook-síðu Steinunnar um eittleytið í dag sem hún hvetur fólk til að missa ekki af. Vilja banna skoðanakannanir og Domino's pítsur Talið berst aftur að galapartýi Ásdísar Ránar. Reyndar ekki partýi. „Þetta var ekki partý, þetta var glæsileg forsetaveisla. Ein sú glæsilegasta sem hefur verið gerð á Íslandi fyrr en síðar. Já, það má búast við svona glæsilegum veislum á Bessastöðum. Það verður stanslaust streymi til landsins af alls konar þjóðhöfðingum og viðskiptafólki þegar ég verð komin til valda á Bessastöðum.“ Steinunn upplýsir að Ásdís hafi haldið æðislega, fallega og skemmtilega ræðu. „Svo er hún óborganlega fyndin.“ Ástþór Magnússon flutti ræðu í veislu Ásdísar.Silla Páls Steinunn Ólína vísar til þess að í kappræðum forsetaefna á Stöð 2 var sex efstu boðið. „Við í Meistaradeildinni vorum ekki vitund móðguð.. Ásdís sagði í gríni í ræðunni að þegar hún yrði forseti myndi hún banna skoðanakannanir og banna Heimi Má Pétursson. Ég hef hins vegar gefið það kosningaloforð að banna Dominos pítsur því ég held að þær séu svo vondar fyrir okkur,“ segir Steinunn og hlær. Fram undan er bíltúr norður á Akureyri þangað sem þau ætla að vera mætt klukkan 19:30. Forsetakvöldið með Meistaradeildinni hefst klukkan 20. Steinunn Ólína auglýsir eftir gítarleikara til að mæta á svæðið og spila undir hópsöng. Steinunn Ólína segir í samtali við Vísi að viðburðurinn í kvöld komi til af því að litlu framboðin styðji hvert annað til að kynna sig. „Þetta er falleg samvinna. Þetta eru ekki framboð með fjársterka aðila. Við gerum þetta saman eins og fólk á að gera.“ Forsetakosningar 2024 Grín og gaman Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Mikið viðbragð vegna umferðarslyss Innlent Ósammála Náttúrufræðistofnun og segja veiðar á lunda forsvaranlegar Innlent Epstein-skjölin og Trump: Eitthvað virðist rotið í Danaveldi Erlent Hneig niður vegna flogakasts Innlent Uppsagnir sjómanna í Grindavík: „Hvenær er nóg, nóg?“ Innlent Aron Can heill á húfi Innlent Fleiri fréttir „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Sjá meira
Ásdís Rán og Steinunn Ólína ræddu ferðalagið fram undan í Bítinu á morgun en snertu þó fyrst á galakvöldi helgarinnar þar sem Ásdís Rán bauð meðframjóðendum sínum á rauða dregilinn. „Fannst ykkur þetta ekki flott? Mig langaði að gleðja alla frambjóðendurnar. Það hefur verið svo mikið að gera hjá öllum, allir með þétta dagskrá. Ég held við finnum öll að það hefur vantað móment þar sem maður getur notið þess að vera í framboði, klætt sig upp og tekið svolítið forsetapartý. Það þarf að þjálfa þetta fólk í að koma fram eins og forseti svo ég tók smá kennslustund í leiðinni,“ sagði Ásdís Rán í Bítinu. Það sem hefði falist í kennslustundinni væri að klæða sig upp, hafa sig til og vera glæsileg á rauða dreglinum. „Það mættu allir nema Jón Gnarr sem var úti á landi, Arnar Þór var einhvers staðar og svo kom Felix í staðinn fyrir Baldur.“ Ásdís Rán flutti ræðu og Steinunn Ólína söng fyrir fólkið. Steinunn Ólína söng lagið Besame Mucho með glæsibrag. Silla Páls „Hún var svo ótrúlega sniðug og góð að hún fór upp á svið og söng. Ég vissi ekki að hún myndi syngja svona ofboðslega vel en þetta var bara með því allra flottasta sem ég hef heyrt.“ Steinunn Ólína var ánægð með framtak Ísdrottningarinnar. „Veistu, þetta var svo glæsilegt og rausnarlegt hjá henni Ásdísi. Hún gengur þarna fram með góðu fordæmi. Svo elskuleg að bjóða okkur öllum.“ Ásdís segist hafa heyrt að fólk sé hissa á að hún hafi boðið meðframbjóðendum til veislu. „Það er ekkert að því. Ég keppi ekki við fólk. Við erum öll við sjálf. Eina manneskjan sem ég er að keppa við er ég sjálf.“ Sterk liðsheild Steinunn lýsir góðri liðsheild meðal frambjóðenda og snýr sér að verkefni dagsins. „Til dæmis erum við Meistaradeildin Ásdís, ég, Ástþór Magnússon, Viktor og hún Helga - við erum að standa fyrir framboðsfundi á Græna hattinum á Akureyri klukkan 20 í kvöld. Það sem er mest æsandi af öllu er að við Ástþór og Ásdís verðum saman í bíl í dag. Ég get ekki beðið.“ Ásdís hvetur fólk til að fylgjast með þeim á samfélagsmiðlum. Ástþór og Ásdís brostu sínu breiðasta í galaveislunni.Silla Páls „Það verða beinar útsendingar úr símanum mínum, símanum hjá Steinunni og hinum líka eflaust,“ segir Ásdís. „Þetta verður það eina sem verður í fréttum í dag nema það fari að gjósa,“ bætir Steinunn við. Streymi verður á persónulegri Facebook-síðu Steinunnar um eittleytið í dag sem hún hvetur fólk til að missa ekki af. Vilja banna skoðanakannanir og Domino's pítsur Talið berst aftur að galapartýi Ásdísar Ránar. Reyndar ekki partýi. „Þetta var ekki partý, þetta var glæsileg forsetaveisla. Ein sú glæsilegasta sem hefur verið gerð á Íslandi fyrr en síðar. Já, það má búast við svona glæsilegum veislum á Bessastöðum. Það verður stanslaust streymi til landsins af alls konar þjóðhöfðingum og viðskiptafólki þegar ég verð komin til valda á Bessastöðum.“ Steinunn upplýsir að Ásdís hafi haldið æðislega, fallega og skemmtilega ræðu. „Svo er hún óborganlega fyndin.“ Ástþór Magnússon flutti ræðu í veislu Ásdísar.Silla Páls Steinunn Ólína vísar til þess að í kappræðum forsetaefna á Stöð 2 var sex efstu boðið. „Við í Meistaradeildinni vorum ekki vitund móðguð.. Ásdís sagði í gríni í ræðunni að þegar hún yrði forseti myndi hún banna skoðanakannanir og banna Heimi Má Pétursson. Ég hef hins vegar gefið það kosningaloforð að banna Dominos pítsur því ég held að þær séu svo vondar fyrir okkur,“ segir Steinunn og hlær. Fram undan er bíltúr norður á Akureyri þangað sem þau ætla að vera mætt klukkan 19:30. Forsetakvöldið með Meistaradeildinni hefst klukkan 20. Steinunn Ólína auglýsir eftir gítarleikara til að mæta á svæðið og spila undir hópsöng. Steinunn Ólína segir í samtali við Vísi að viðburðurinn í kvöld komi til af því að litlu framboðin styðji hvert annað til að kynna sig. „Þetta er falleg samvinna. Þetta eru ekki framboð með fjársterka aðila. Við gerum þetta saman eins og fólk á að gera.“
Forsetakosningar 2024 Grín og gaman Mest lesið Leita leiða til að kveða ranglega útgefnar sektir í kútinn Fréttir „Það nægir ekki ESB að rústa eigin iðnaðarframleiðslu“ Innlent „Góðu fréttirnar eru að það sem hann segir skiptir engu máli“ Erlent Vill bjóða borgarstjóra í vöfflukaffi eftir deilurnar Innlent Mikið viðbragð vegna umferðarslyss Innlent Ósammála Náttúrufræðistofnun og segja veiðar á lunda forsvaranlegar Innlent Epstein-skjölin og Trump: Eitthvað virðist rotið í Danaveldi Erlent Hneig niður vegna flogakasts Innlent Uppsagnir sjómanna í Grindavík: „Hvenær er nóg, nóg?“ Innlent Aron Can heill á húfi Innlent Fleiri fréttir „Það nægir ekki ESB að rústa eigin iðnaðarframleiðslu“ Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Sjá meira