Innlent

Ís­land hástökkvari á Regnbogakortinu

Lovísa Arnardóttir skrifar
Regnbogakortið mælir lagalega réttindastöðu hinsegin fólks í 49 löndum Evrópu og Mið-Asíu.
Regnbogakortið mælir lagalega réttindastöðu hinsegin fólks í 49 löndum Evrópu og Mið-Asíu. Vísir/Ívar Fannar

Ísland er einn af hástökkvurunum Regnbogakorts ILGA-Europe, regnhlífarsamtaka yfir 700 hinsegin félaga í Evrópu og Mið-Asíu í ár, og fer upp í annað sæti úr því fimmta. Í tilkynningu kemur fram að Ísland uppfylli nú um 83 prósen af þeim viðmiðum sem ILGA-Europe setur.

Um töluverða breytingu yfir lengri tíma er að ræða. Fyrir sjö árum var Ísland sem dæmi í 17. sæti og uppfyllti aðeins 47 prósent af þeim viðmiðum sem settu eru fram. Kortið er aðgengilegt hér. 

Hægt er að skoða kortið eftir nokkrum flokkum eins og hatursorðræðu, fjölskyldulífi og hælisleitendur. Í öllum flokkum sem í boði eru er Ísland yfir meðaltali í Evrópu og Evrópusambandinu.

Í tilkynningu frá Samtökunum ´78 segir að meðal jákvæðra breytinga á Íslandi sé að um síðustu áramót hafi tekið gildi lög um bann við bælingarmeðferð. Eins hafi teymi heilbrigðiskerfisins sem þjónusta trans fólk bætt áætlanir og þjónustu sína í samræmi við lög um kynrænt sjálfræði, sem enn er verið að vinna inn í reglugerðir og áætlanir. 

Þá hafi einnig breytur sem tengjast hinseginleikanum, eins og kynhneigð, kynvitund og kyneinkenni, verið bætt við 70. grein almennra hegningarlaga er varðar þætti sem hafa áhrif á refsihæð glæpa.

Eftir því sem farið er austar verður staðan verri. Skjáskot/Regnbogakort ILGA Europe

„Það er sannarlega gleðiefni hve Regnbogakortið lýsir miklum árangri í málefnum hinsegin fólks hér á landi. En á meðan við fögnum árangrinum hér á Íslandi býr hinsegin fólk í víða í Evrópu og Mið-Asíu enn við mikla ólgu, óvissu og óöryggi. Pólitískur ágreiningur um réttarstöðu hinsegin fólks hefur orðið til þess að lönd detta niður listann eða standa í stað,“ segir í tilkynningu Samtakanna ´78 um málið og að í sumum löndum megi rekja fallið beint til skipulags áróðurs sem beitt hefur verið gegn trans fólki.

Bretland og Norðurlönd falla á listanum

„Sums staðar er slíkum áróðri og hinsegin réttindum almennt beitt sem pólitísku vopni af stjórnmálafólki og stjórnmálaflokkum. Það er rétt að minnast þess að svo grafalvarleg staða er ekki bara uppi í löndum fjarri og ólíkum Íslandi, heldur til dæmis í nágrannalöndum eins og Bretlandi sem hefur fallið hratt niður Regnbogakortið undanfarin ár.“

Þá er bent á að öll hin Norðurlöndin falli niður listann því ekki hafi verið hægt að endurskrifa aðgerðaráætlanir í málaflokknum.

„Það er því mikilvægt að muna að baráttan fyrir lagalegum réttindum hinsegin fólks er síður en svo unnin,“ segir að lokum.

Hinsegin Mannréttindi Hælisleitendur Bretland

Tengdar fréttir

Ís­land í öðru sæti Regn­boga­kortsins um réttindi hin­segin fólks

Í dag fögnum við hjá Samtökunum ’78 þeim árangri sem náðst hefur í að bæta réttindastöðu hinsegin fólks á Íslandi. Árlega birtir ILGA-Europe, regnhlífarsamtök yfir 700 hinsegin félaga í Evrópu og Mið-Asíu, nýja útgáfu regnbogakortsins en kortið mælir lagalega réttindastöðu hinsegin fólks í 49 löndum.

Full ástæða til að halda áfram að kortleggja hatursorðræðu á Íslandi

Fulltrúar frá á þriðja tug hagsmunasamtaka hafa sótt fundi starfshóps forsætisráðherra gegn hatursorðræðu en formaður hópsins segir ljóst að ákveðnir hópar komi verr út en aðrir. Þó erfitt sé að meta hvort hatursorðræða fari beinlínis vaxandi hér á landi sé full ástæða til að halda vinnunni áfram.

Ís­land upp um fimm sæti á Regn­boga­korti Evrópu

Ísland hækkar um fimm sæti á milli ára á Regnbogakorti ILGA Europe. Ísland er nú komið í níunda sæti en var í því fjórtánda í fyrra. Utanríkisráðherra segir lög um kynrænt sjálfræði spila stórt hlutverk í þessari þróun.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið