Innlent

Virðist vera endur­tekið efni

Jón Þór Stefánsson skrifar
Þorvaldur Þórðarson eldfjallafræðingur rýnir nótt sem dag í nýjustu gögn er varða jarðhræringar á Reykjanesskaganum.
Þorvaldur Þórðarson eldfjallafræðingur rýnir nótt sem dag í nýjustu gögn er varða jarðhræringar á Reykjanesskaganum. vísir/Arnar Halldórsson

Þorvaldur Þórðarson eldfjallafræðingur segir í samtali við fréttastofu að hann telji að eldgosið muni byggja sig upp í afli og hugsanlega toppa eftir einn til tvo klukkutíma.Síðan muni líklega draga úr gosinu og því ljúka eftir nokkra daga.

„Það er að segja ef mynstrið helst,“ segir Þorvaldur. „Maður veit aldrei hvernig svona atburðarás verður, en við virðumst vera að horfa á endurtekið efni.“

Þorvaldur segir að ef innflæðið í grunnu kvikugeymsluna viðhelst í um það bil fjórum rúmmetrum á sekúndu, eins og það er komið í núna, þá geti það haft áhrif á atburðarásina.

„Þá yrði kannski lengri tími á milli gosa. Af því að dregið hafi úr innflæðinu. Þannig kannski er það á pari þess sem var síðast í febrúar og þess goss sem fer af stað núna. Þetta er eitthvað um fimm vikur. Þannig við getum kannski búist við næsta gosi eftir fimm til sex vikur,“ segir Þorvaldur.

„En ef innflæðið heldur áfram að minnka, eins og það hefur verið að gera síðan átjánda desember, þá kemur að því að þetta endar, og þá mun vera þeim mun lengra í næsta gos. Þá erum við kannski að tala um töluvert lengra en þessar fimm vikur sem við vorum að tala um.“

Þorvaldur segir að ef fer sem horfir þá sé þetta frekar stutt gos. „Þá er kannski í stuttan tíma einhver óþægindi vegna gasmengunar.“

Eldgos og jarðhræringar Eldgos á Reykjanesskaga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið