Innlent

Boðað til fundar með börnum frá Grinda­vík

Margrét Björk Jónsdóttir skrifar
Á fundinum verður lögð á að skapa vettvang sem er á forsendum barnanna sjálfra og fá þau sjálf að stýra umræðum.
Á fundinum verður lögð á að skapa vettvang sem er á forsendum barnanna sjálfra og fá þau sjálf að stýra umræðum. Vísir/Vilhelm

Umboðsmaður barna býður 6-17 ára börnum frá Grindavík til fundar í Laugardalshöll á fimmtudag. Markmið fundarins er að heyra hvað börnunum liggur á hjarta og átta sig á því hvernig stjórnvöld geta með sem bestum hætti staðið vörð um réttindi þeirra við  þær aðstæður sem nú eru uppi.

Fundurinn fer fram næstkomandi fimmtudag, 7.mars klukkan 9-12. Fundurinn er skiplagður í samvinnu við bæjaryfirvöld Grindavíkur.

„Áhersla verður lögð á að skapa vettvang sem er á forsendum barnanna sjálfra þar sem þau fá að ráða þeim málefnum sem rædd verða,“ segir á vef Grindavíkurbæjar.

„Börnin koma til með að vinna saman að skilaboðum til ríkisstjórnarinnar og mun Katrín Jakobsdóttir, forsætisráðherra ávarpa fundinn undir lok hans. Embætti umboðsmanns barna mun fylgja þeim skilaboðum eftir við stjórnvöld.“

Veitingar, skemmtiatriði og góðar umræður

Boðið verður upp á rútuferðir á fundinn. Þau börn sem búa í Reykjanesbæ, Hafnarfirði, Kópavogi, Mosfellsbæ og Selfossi og eru ekki í safnskólanum geta fengið far með þeim rútum sem aka nemendum í safnskólann á morgnana.

Börn að leik í Grindavík árið 2020. Bærinn er ekki talinn ákjósanlegur staður fyrir börn eins og stendur. Vísir/Vilhelm

Boðið verður uppá þátttöku barna á netinu fyrir þau sem ekki komast í Laugardalshöll en nauðsynlegt er að skrá sig fyrirfram. 

Boðið verður upp á veitingar og verða félagarnir Gunni og Felix með skemmtiatriði.  Nánari dagskrá verður send út til þátttakenda um leið og hún liggur fyrir.

Grindavík Náttúruhamfarir Börn og uppeldi Eldgos á Reykjanesskaga Réttindi barna Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið