Yfirmenn segi ljósmæður hitta konur of oft og of lengi Lovísa Arnardóttir skrifar 16. febrúar 2024 08:50 Unnur Berglind er formaður Ljósmæðrafélags Íslands. vísir/sigurjón Formaður Ljósmæðrafélags Íslands segir álag aukast, verkefnum fjölga og að allt að þriðjungur allra ljósmæðra á landinu íhugi nú að yfirgefa starfsstéttina. Ljósmæður fái ekki faglegt svigrúm til að vinna vinnuna sína og stjórnvöld taki málið ekki alvarlega. Í gær voru birtar niðurstöður nýrrar könnunar frá BHM meðal ljósmæðra sem um 70 prósent þeirra svöruðu. Samkvæmt niðurstöðum telja 85 prósent ljósmæðra að mannekla hafi ógnað öryggi mæðra á síðustu sex mánuðum og 48 prósent segja þetta gerast oftar nú en áður. Á sama tíma mælist mikil starfsánægja meðal ljósmæðra. „Við erum ánægðar í okkar starfi en það er umhverfið sem er ekki að gera okkur kleift að vinna vinnuna okkar eins og við viljum,“ sagði Unnur Berglind Friðriksdóttir, formaður Ljósmæðrafélags Íslands, en hún ræddi niðurstöður könnunarinnar og starfsaðstæður ljósmæðra í Bítinu á Bylgjunni í morgun. Unnur Berglind sagði að það hefði ekki komið henni á óvart að öryggi væri minna en að hátt hlutfall sem hefði svarað játandi hafi komið henni á óvart. „85 prósent er allt of hátt.“ Hún segir að hún hafi samt vitað að staðan væri slæm því hún væri í góðu sambandi við ljósmæður og heyri æ oftar að róðurinn sé að þyngjast víða. „Álagið er að aukast, verkefnum er að fjölga. Ef þú ert að horfa á Excel skjal er alltaf bara verið að horfa á fjölda fæðinga en í tengslum við hverja fæðingu er mæðraskoðun á undan og svo sængurlegan á eftir. Samfélagið er að breytast og við erum að verða fjölmenningarsamfélag,“ sagði Unnur Berglind og að því fylgdu öðruvísi áskoranir sem taki meiri tíma. Ný verkefni sem fylgja meiri fjölmenningu Það geti verið ýmislegt þar annað en bara tungumál. Sem dæmi séu konur að koma inn í þjónustu til ljósmæðra hér sem hafi ekki fengið grunnþjónustu annars staðar. Þá sagði Unnur Berglind að í ýmsum stofnunum út á landi fengju ljósmæður ekki faglegt svigrúm til að vinna vinnuna sína. „Ljósmæður eru sérfræðingar í sínu fagi. Þær eru fagmanneskjur og þær þurfa að fá sitt faglega svigrúm til að meta og hversu oft þær þurfa að hitta konur,“ sagði hún að það væri verið að „anda ofan í hálsmálið á þeim“ og segja þeim fyrir hversu oft þær eigi að hitta konur. Spurð nánar út í þetta sagði Unnur Berglind að það væri yfirmenn sem væru að „anda ofan í hálsmálið“ á þeim og að þeir væru svo uppteknir af sparnaði að svigrúm til faglegrar þjónustu ljósmæðra væri ekki til staðar. Hún sagði að versta afleiðingin af þessu væri sú að ljósmóðirin hefði sagt upp störfum í sveitarfélagi utan höfuðborgarsvæðisins og að á þeim stað væri nú engin starfandi ljósmóðir. „Það er verið að setja út á það að það sé verið að hitta konur of oft og of lengi,“ sagði Unnur Berglind og að þannig ætti samt sem áður þjónustan að vera, og að konur ættu að geta gengið að því vísu. Hún sagði að ofan á þetta væri búið að innleiða styttingu vinnuvikunnar víða og að stofnanir hefðu ekki endilega bætt við þeim mannskap sem þarf svo ekki sé mannekla í kjölfar innleiðingarinnar. „Þú getur ekki unnið þetta eftir Excel skjali. Við erum að vinna með fólk. Þú ert með fagfólk og þú verður að treyst fagfólkinu til að meta hversu oft og hversu lengi, en það er ekki að gerast á of mörgum stöðum.“# Spurð hvort mæður væru þá ekki eins öruggar í dag og áður svaraði Unnur Berglind því játandi. Hún sagði eftirlitsaðilann vera landlæknisembættið og að hún vissi ekki hvort að það væri verið að vinna því. Hún sagði erfitt að fá svör frá landlæknisembættinu og að sömuleiðis ætti hún inni fundarboð hjá fjármálaráðuneytinu og að hún hefði ekki fengið svar við því. Sömuleiðis hefði hún reynt í marga mánuði að ná sambandi við starfshóp innan heilbrigðisráðuneytisins án nokkurs árangurs. Veruleg skerðing ef þær hætta Þá sagði hún þriðjung ljósmæðra hugsa um það að yfirgefa starfsstéttina og að ef það gerðist yrði þjónustan verulega skert. Þá spurði Heimir hvort að litið væri niður á ljósmæður í heilbrigðiskerfinu. Unnur Berglind sagði að hún vonaði ekki en að henni liði, þegar hún talaði um þetta, að hún væri „bara að kvabba“ eða vera leiðinleg og erfið. Hún hrósaði Landspítalanum og sagði félagið nýlega hafa skrifað undir nýjan stofnanasamning við spítalann sem yrði vonandi til þess að kjör og aðstæður ljósmæðra myndu batna. Þær myndu koma aftur í fullt starf og ekki hætta. Spurð í hvað stefnir, miðað við þessa stöðu sagði Unnur Berglind að það yrði að bregðast við. Í samanburði við Evrópu séu við með góðar tölur og útkomur en að ef við berum stöðuna saman við okkur sjálf fari okkur aftur. Hægt er að hlusta á viðtalið í heild sinni hér að ofan. Börn og uppeldi Heilbrigðismál Heilsugæsla Mannréttindi Landspítalinn Tengdar fréttir Ljósmæðrum brugðið við framgöngu stjórnenda á Akureyri Tveir yfirmenn ljósmæðra á mæðravernd annars vegar og í ungbarnavernd hins vegar á Heilbrigðisstofnun Norðurlands eru að hætta störfum. Enginn sótti um sameinaða stöðu. Formaður Ljósmæðrafélags Íslands segir ljósmæður mjög ósáttar við framgöngu stjórnenda stofnunarinnar. 7. desember 2023 07:00 Formaður Ljósmæðrafélags Íslands: „Meðganga og fæðing í eðli sínu er náttúrulegt ferli“ Formaður Ljósmæðrafélags Íslands segir að konur á meðgöngu verði að treysta fagfólki. Keisaraskurður sé gerður í undantekningartilvikum og ljósmæður hlusti ávallt á konur. Bregði eitthvað út af fái þær aukið eftirlit og eftir atvikum aukna aðstoð. 31. mars 2022 21:31 Mest lesið Tveggja vikna tvíburasystrum vísað úr landi Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Hafði hvorki þekkingu né umboð til að tjá sig um fjármálin Innlent Telja sig hafa fundið skipið sem skaut drónunum Erlent Tálbeitan ákærð fyrir rangt brot Innlent Gæti stefnt í þungavigtarslag um varaformannsembættið Innlent Jane Goodall látin Erlent Fleiri fréttir Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Sjá meira
Í gær voru birtar niðurstöður nýrrar könnunar frá BHM meðal ljósmæðra sem um 70 prósent þeirra svöruðu. Samkvæmt niðurstöðum telja 85 prósent ljósmæðra að mannekla hafi ógnað öryggi mæðra á síðustu sex mánuðum og 48 prósent segja þetta gerast oftar nú en áður. Á sama tíma mælist mikil starfsánægja meðal ljósmæðra. „Við erum ánægðar í okkar starfi en það er umhverfið sem er ekki að gera okkur kleift að vinna vinnuna okkar eins og við viljum,“ sagði Unnur Berglind Friðriksdóttir, formaður Ljósmæðrafélags Íslands, en hún ræddi niðurstöður könnunarinnar og starfsaðstæður ljósmæðra í Bítinu á Bylgjunni í morgun. Unnur Berglind sagði að það hefði ekki komið henni á óvart að öryggi væri minna en að hátt hlutfall sem hefði svarað játandi hafi komið henni á óvart. „85 prósent er allt of hátt.“ Hún segir að hún hafi samt vitað að staðan væri slæm því hún væri í góðu sambandi við ljósmæður og heyri æ oftar að róðurinn sé að þyngjast víða. „Álagið er að aukast, verkefnum er að fjölga. Ef þú ert að horfa á Excel skjal er alltaf bara verið að horfa á fjölda fæðinga en í tengslum við hverja fæðingu er mæðraskoðun á undan og svo sængurlegan á eftir. Samfélagið er að breytast og við erum að verða fjölmenningarsamfélag,“ sagði Unnur Berglind og að því fylgdu öðruvísi áskoranir sem taki meiri tíma. Ný verkefni sem fylgja meiri fjölmenningu Það geti verið ýmislegt þar annað en bara tungumál. Sem dæmi séu konur að koma inn í þjónustu til ljósmæðra hér sem hafi ekki fengið grunnþjónustu annars staðar. Þá sagði Unnur Berglind að í ýmsum stofnunum út á landi fengju ljósmæður ekki faglegt svigrúm til að vinna vinnuna sína. „Ljósmæður eru sérfræðingar í sínu fagi. Þær eru fagmanneskjur og þær þurfa að fá sitt faglega svigrúm til að meta og hversu oft þær þurfa að hitta konur,“ sagði hún að það væri verið að „anda ofan í hálsmálið á þeim“ og segja þeim fyrir hversu oft þær eigi að hitta konur. Spurð nánar út í þetta sagði Unnur Berglind að það væri yfirmenn sem væru að „anda ofan í hálsmálið“ á þeim og að þeir væru svo uppteknir af sparnaði að svigrúm til faglegrar þjónustu ljósmæðra væri ekki til staðar. Hún sagði að versta afleiðingin af þessu væri sú að ljósmóðirin hefði sagt upp störfum í sveitarfélagi utan höfuðborgarsvæðisins og að á þeim stað væri nú engin starfandi ljósmóðir. „Það er verið að setja út á það að það sé verið að hitta konur of oft og of lengi,“ sagði Unnur Berglind og að þannig ætti samt sem áður þjónustan að vera, og að konur ættu að geta gengið að því vísu. Hún sagði að ofan á þetta væri búið að innleiða styttingu vinnuvikunnar víða og að stofnanir hefðu ekki endilega bætt við þeim mannskap sem þarf svo ekki sé mannekla í kjölfar innleiðingarinnar. „Þú getur ekki unnið þetta eftir Excel skjali. Við erum að vinna með fólk. Þú ert með fagfólk og þú verður að treyst fagfólkinu til að meta hversu oft og hversu lengi, en það er ekki að gerast á of mörgum stöðum.“# Spurð hvort mæður væru þá ekki eins öruggar í dag og áður svaraði Unnur Berglind því játandi. Hún sagði eftirlitsaðilann vera landlæknisembættið og að hún vissi ekki hvort að það væri verið að vinna því. Hún sagði erfitt að fá svör frá landlæknisembættinu og að sömuleiðis ætti hún inni fundarboð hjá fjármálaráðuneytinu og að hún hefði ekki fengið svar við því. Sömuleiðis hefði hún reynt í marga mánuði að ná sambandi við starfshóp innan heilbrigðisráðuneytisins án nokkurs árangurs. Veruleg skerðing ef þær hætta Þá sagði hún þriðjung ljósmæðra hugsa um það að yfirgefa starfsstéttina og að ef það gerðist yrði þjónustan verulega skert. Þá spurði Heimir hvort að litið væri niður á ljósmæður í heilbrigðiskerfinu. Unnur Berglind sagði að hún vonaði ekki en að henni liði, þegar hún talaði um þetta, að hún væri „bara að kvabba“ eða vera leiðinleg og erfið. Hún hrósaði Landspítalanum og sagði félagið nýlega hafa skrifað undir nýjan stofnanasamning við spítalann sem yrði vonandi til þess að kjör og aðstæður ljósmæðra myndu batna. Þær myndu koma aftur í fullt starf og ekki hætta. Spurð í hvað stefnir, miðað við þessa stöðu sagði Unnur Berglind að það yrði að bregðast við. Í samanburði við Evrópu séu við með góðar tölur og útkomur en að ef við berum stöðuna saman við okkur sjálf fari okkur aftur. Hægt er að hlusta á viðtalið í heild sinni hér að ofan.
Börn og uppeldi Heilbrigðismál Heilsugæsla Mannréttindi Landspítalinn Tengdar fréttir Ljósmæðrum brugðið við framgöngu stjórnenda á Akureyri Tveir yfirmenn ljósmæðra á mæðravernd annars vegar og í ungbarnavernd hins vegar á Heilbrigðisstofnun Norðurlands eru að hætta störfum. Enginn sótti um sameinaða stöðu. Formaður Ljósmæðrafélags Íslands segir ljósmæður mjög ósáttar við framgöngu stjórnenda stofnunarinnar. 7. desember 2023 07:00 Formaður Ljósmæðrafélags Íslands: „Meðganga og fæðing í eðli sínu er náttúrulegt ferli“ Formaður Ljósmæðrafélags Íslands segir að konur á meðgöngu verði að treysta fagfólki. Keisaraskurður sé gerður í undantekningartilvikum og ljósmæður hlusti ávallt á konur. Bregði eitthvað út af fái þær aukið eftirlit og eftir atvikum aukna aðstoð. 31. mars 2022 21:31 Mest lesið Tveggja vikna tvíburasystrum vísað úr landi Innlent Stímir óhrædd í gin ísraelska sjóhersins Innlent Söguðu gat á flugsafn til að stinga inn Boeing 757 Innlent Kom ráðherra á óvart að viðræðum hefði verið slitið Innlent Frelsisflotinn umkringdur og farþegar fluttir til Ísraels Erlent Hafði hvorki þekkingu né umboð til að tjá sig um fjármálin Innlent Telja sig hafa fundið skipið sem skaut drónunum Erlent Tálbeitan ákærð fyrir rangt brot Innlent Gæti stefnt í þungavigtarslag um varaformannsembættið Innlent Jane Goodall látin Erlent Fleiri fréttir Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Gæti stefnt í þungavigtarslag um varaformannsembættið Atvinnuþátttaka innflytjenda meiri en Íslendinga en fjárhagsstaða verri Hafði hvorki þekkingu né umboð til að tjá sig um fjármálin Framsóknarflokkurinn mælist aftur inni Áttatíu starfsmenn í biðstöðu og HM-hópur Íslands Viðreisn býður fram undir eigin merkjum í Árborg Ekið á hjólreiðamann og hann fluttur á bráðamóttöku Val á þingflokksformanni bíður betri tíma Tvö vilja byggja Fossvogsbrú en bæði yfir áætluðum kostnaði Tálbeitan ákærð fyrir rangt brot Ekki sama manneskjan eftir hörmungarnar á Gasa Skorar á ríkisstjórnina að fjármagna íslenskunám Eggert Benedikt settur forstjóri Hafró Samtök „gamalla karla“ sem sumum finnst „kúl“ Rafmagnslaust á Dalvík, Hrísey og nágrenni Hætt við sameiningu HA og Háskólans á Bifröst Bjóða Grindvíkingum á seiglunámskeið Fimmtungur getur ekki keypt afmælisgjafir fyrir börnin sín Reyna að bjarga starfseminni á Möltu og slæmar fregnir af makrílveiðinni Bein útsending: Loftslagsdagurinn Bein útsending: Staða launafólks á Íslandi Létu sér andlát Hjörleifs í léttu rúmi liggja Konur og háskólamenntaðir líklegri til að vilja frekari aðgerðir gegn Ísrael Bein útsending: Heilbrigðistæknilausnir og -þjónusta Biskup Íslands heimsækir Úkraínu Vissu af auknum töfum en óraði ekki fyrir viðbrögðunum Sjá meira
Ljósmæðrum brugðið við framgöngu stjórnenda á Akureyri Tveir yfirmenn ljósmæðra á mæðravernd annars vegar og í ungbarnavernd hins vegar á Heilbrigðisstofnun Norðurlands eru að hætta störfum. Enginn sótti um sameinaða stöðu. Formaður Ljósmæðrafélags Íslands segir ljósmæður mjög ósáttar við framgöngu stjórnenda stofnunarinnar. 7. desember 2023 07:00
Formaður Ljósmæðrafélags Íslands: „Meðganga og fæðing í eðli sínu er náttúrulegt ferli“ Formaður Ljósmæðrafélags Íslands segir að konur á meðgöngu verði að treysta fagfólki. Keisaraskurður sé gerður í undantekningartilvikum og ljósmæður hlusti ávallt á konur. Bregði eitthvað út af fái þær aukið eftirlit og eftir atvikum aukna aðstoð. 31. mars 2022 21:31