Varði titilinn með af­slappaðri nálgun utan vallar

Shabalenka, sem er um þessar mundir í 2. sæti heimslistans í tennis, lagði Zheng Qinwen í úrslitum í ár. Sigrarnir voru öruggir með eindæmum, 6-3 og 6-2. Tók úrslitaleikurinn aðeins 76 mínútur.

Í viðtali hinnar 26 ára gömlu Shabalenku hjá breska ríkisútvarpinu segir að hafi á árum áður reglulega misst stjórn á skapi sínu og yfirgefið tennisvöllinn með tár á hvarmi. Á mótinu í ár sýndi hún á sér allt aðra hlið.

„Það er nóg pressa á manni innan vallar, utan vallar hef ég því reynt að halda í hið einfalda, halda hlutunum skemmtilegum og séð til þess að öll okkar njótum vegferðarinnar.“

Fyrir leiki á mótinu mátti sjá hina Shabalenku grínast með þjálfarateymi sínu og njóta sín í botn í upphitunaræfingum sem meðal annars innihéldu leik þar sem hún gerði sitt besta til að stöðva blöðrur frá því að lenda á jörðinni.

Ef það var ekki nóg þá áritaði hún einnig áritað höfuðið á Jason Stacy, styrktarþjálfara sínum, fyrir hverja viðureign mótsins í ár.

„Nú vilja þau meina að ég verði að húðflúra áritunina á höfuðið á mér. Ég veit ekki alveg með það. Fólk lærir betur og hefur meiri athygli þegar það er ferskt og fær að njóta sín aðeins,“ sagði Stacy upp nýjasta uppátæki Shabalenku.

Það er hins vegar ljóst að uppátækið skilaði sínu þar sem hún tapaði ekki setti í þeim sjö leikjum sem hún lék á mótinu.

„Það voru augnablik á ferli mínum þar sem ég hafði enga trú á að ég myndi vinna risamót. Þetta hefur verið upp og niður en ég neitaði að gefast upp.“

Aðeins eru fjórir mánuðir síðan Shabalenka rústaði tennisspaða sínum eftir að hafa tapað fyrir Coco Gauff í úrslitum Opna bandaríska.

„Auðvitað var ég miður mín eftir þá viðureign. Ég grét og skemmdi spaðann. Ég var virkilega brjáluð.“

Shabalenka náði fram hefndum í Ástralíu.

„Ég hef meiri stjórn og leyfi ekki öðrum hlutum að komast að í huga mínum. Ég einbeiti mér aðeins að sjálfri mér, held að það sé munurinn. Þó það bjáti eitthvað á þá verð ég ekki brjáluð eins og ég var vön að gera. Ég hef þessa trú að sama hvað gerist þá geti ég barist fyrir sigri.“