Innlent

Stal fjórum greiðslu­kortum og tók út 760 þúsund úr hrað­banka

Magnús Jochum Pálsson skrifar
Héraðsdómur Vesturlands er í Borgarnesi en það kemur ekki fram hvar nákvæmlega brotin áttu sér stað. Hraðbankar Arion eru á fimm stöðum á Vesturlandi: Akranesi, Borgarnesi, Stykkishólmi, Grundarfirði og Búðardal.
Héraðsdómur Vesturlands er í Borgarnesi en það kemur ekki fram hvar nákvæmlega brotin áttu sér stað. Hraðbankar Arion eru á fimm stöðum á Vesturlandi: Akranesi, Borgarnesi, Stykkishólmi, Grundarfirði og Búðardal. Vísir/Egill

Kona var sakfelld í Héraðsdómi Vesturlands í vikunni fyrir að hafa stolið greiðslukortum fjögurra einstaklinga og tekið af kortunum fjárhæðir sem námu um 760 þúsund krónum. 

Í dómnum segir að konunni hafi verið gefið að sök að hafa stolið greiðslukortum af fjórum aðilum úr vistarverum þeirra og tekið í heimildarleysi allt í allt 760 þúsund íslenskra króna af bankareikningum fólksins í hraðbanka Arion.

Brotin áttu sér stað á tímabilinu 1. júní til 16. nóvember 2022 og tók konan mismikið og misoft út af kortunum. Mest tók hún af einum einstaklingnum 315 þúsund í fjórum úttektum en minnst 80 þúsund af öðrum þremur úttektum.

Í dómnum segir að hin ákærða hafi brugðist „gróflega þeim trúnaði sem henni hafði verið sýndur“ með því að draga sér fjárhæðirnar. Á hinn bóginn sé hún með hreint sakarvottorð, hafi gengist greiðlega við brotum sínum og endurgreiddi brotaþolum.

Hin ákærða játaði brot sín skýlaust fyrir dómi og krafðist dómurinn að hún yrði dæmd til 90 daga skilorðsbundins fangelsis sem falli niður að þremur árum liðnum haldi hún skilorð og til að greiða allan sakarkostnað og þóknun verjanda síns, 410 þúsund krónur.

Dómsmál Efnahagsbrot
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið