Gist í um níutíu húsum í Grindavík

Atli Ísleifsson skrifar 14. janúar 2024 05:58

Úlfar Lúðvíksson er lögreglustjórinn á Suðurnesjum. Vísir/Baldur Hrafnkell

Gist var í um níutíu húsum í Grindavík og gengur rýming bæjarins vel.

Þetta segir Úlfar Lúðvíksson, lögreglustjóri á Suðurnesjum í samtali við fréttastofu um klukkan 5:45.

„Við erum að rýma bæinn í rólegheitum enda er ekkert gos hafið. Þetta gengur samkvæmt áætlun,“ segir Úlfar.

Aðspurður um viðbúnað í Grindavík segir hann viðbúnaðinn vera í samræmi við áætlanir lögreglu miðað við þá stöðu sem uppi er. „Á þessari stundu erum við með þrjá lögreglubíla í Grindavík,“ segir Úlfar.

Samhæfingarstöð Almannavarna var virkjuð á fjórða tímanum í nótt og hefur lögreglan á Suðurnesjum unnið að rýmingu bæjarins síðan. Varað hefur verið við að mikil hálka sé á vegum frá Grindavík og hafa íbúar verið beðnir um að fara varlega.

Hótelgestir sem gistu í Bláa lóninu hafa yfirgefið svæðið og hefur fjöldahjálparstöð verið opnuð í Efstaleiti 9 í Reykjavík.

Grindavík Eldgos á Reykjanesskaga Lögreglumál

Tengdar fréttir

Vaktin: Eldgos talið á leiðinni og Grindavík rýmd strax

Eldgos er talið yfirvofandi í grennd við Grindavík og bærinn verður rýmdur tafarlaust. Samhæfingarmiðstöð hefur verið virkjuð.

14. janúar 2024 04:29

Búið að rýma Bláa lónið

Bláa Lónið í Svartsengi rýmdi í nótt öll sín athafnarsvæði vegna jarðskjálfta sem hafa mælst við Sundhnjúkagígaröðina.

14. janúar 2024 05:48

Mikil hálka á vegum og íbúar í Grindavík hvattir til að fara varlega

Samhæfingarstöð Almannavarna var virkjuð á fjórða tímanum í nótt og vinnur lögreglan á Suðurnesjum nú að því að rýma Grindavík og gengur það vel.

14. janúar 2024 05:34

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.