Viðskipti innlent

Ein hóp­upp­sögn í desem­ber

Atli Ísleifsson skrifar
Unnur Sverrisdóttir er forstjóri Vinnumálastofnunar.
Unnur Sverrisdóttir er forstjóri Vinnumálastofnunar. Vísir/Arnar

Ein tilkynning um hópuppsögn barst Vinnumálastofnun í desember þar sem 48 starfsmönnum var sagt upp störfum í opinberri stjórnsýslu.

Þetta kemur fram á vef Vinnumálastofnunar. Þarna er vísað til þess að öllum starfsmönnum Menntamálastofnunar var sagt upp störfum um miðjan desember.

Á vef Vinnumálastofnunar segir að hópuppsagnirnar komi flestar til framkvæmda í febrúar 2024.

Til stendur að koma á fór nýrri stofnun, Miðstöð menntunar og skólaþjónustu, á þessu ári til að taka við verkefnum Menntamálastofnunar. Þetta hafi verið ákveðið á haustþingi og hafi því uppsagnirnar ekki komið starfsfólki Menntamálastofnunar á óvart.

Í nóvember var einnig tilkynnt um eina hópuppsögn til Vinnumálastofunar. Þá var 79 starfmönnum Controlant á Íslandi sagt upp.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Vinnumarkaður Stjórnsýsla Skóla - og menntamál


Mest lesið


Fleiri fréttir

Sjá meira


×

Mest lesið