Ráðin nýr fram­kvæmda­stjóri hjá Vök Bat­hs

Í tilkynningu segir að Kristín Dröfn sé fædd og uppalin á Austurlandi og hafi mikla reynslu úr ferðaþjónustu, en hún hafi um langt skeið starfað hjá Icelandair Hotels við fjölbreytt störf. 

„Síðustu tvö ár hefur Kristín starfað hjá LS Retail sem hluti af alþjóðlegu söluteymi í Evrópu með hugbúnaðarlausnir fyrir hótel, heilsulindir og veitingastaði. Kristín er með MBA gráðu frá Háskólanum í Reykjavík og B.A. gráðu í félagsráðgjöf frá Háskóla Íslands. Kristín mun hefja störf í byrjun nýs árs.

Kristín tekur við starfinu af Aðalheiði Ósk Guðmundsdóttur sem hefur gegnt því síðustu 3 ár með góðum árangri,“ segir í tilkynningunni. 

Vök Baths hóf starfsemi í lok júlí 2019.