Erlent

Lög­regla ruddist inn á hin­segin skemmti­staði í Moskvu

Rafn Ágúst Ragnarsson skrifar
Ofsóknir stjórnvalda í Rússlandi á hendur hinsegin fólki hafa stigmagnast.
Ofsóknir stjórnvalda í Rússlandi á hendur hinsegin fólki hafa stigmagnast. AP

Lögreglan í Moskvu gerði húsleitir í fjölda hinsegin skemmtistaða í borginni í gær eftir að hæstiréttur þar í landi bannaði „alþjóðlegu LGBT-hreyfinguna“ í fyrradag.

Réttindi hinsegin fólks í Rússlandi hafa verið takmörkuð mikið undanfarin ár og ofsóknir stjórnvalda á hendur þeirra farið sívaxandi.

Samkvæmt BBC hélt lögregla gestum á staðnum á meðan það tók ljósmyndir skilríkjum þeirra. Einn gestanna sagði í viðtali við rússneska miðla að hann hafi óttast langa fangelsisvist.

Lögreglan sagði í tilkynningu að þeir væru að leita af eiturlyfjum en stjórnendur hafa ekki tjáð sig um málið.

„Í miðju fjörinu var skrúfað fyrir tónlistina og lögreglan streymdi inn,“ sagði einn gestanna og sagði að mikið af útlendingum hefði einnig verið á staðnum.

Samkvæmt BBC var gerð húsleit í að minnsta kosti þremur skemmtistöðum í borginni í gærkvöldi og myndefni frá vettvangi sýni lögreglubíl lagðan fyrir utan einn umræddra skemmtistaða.

Rússland Hinsegin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið