Innlent

Frír fiskur og franskar handa Grind­víkingum

Rafn Ágúst Ragnarsson skrifar
ISSI - Fish and chips mun bjóða Grindvíkingum upp á grindvískan fisk og franskar þeim að kostnaðarlausu í Smáranum í dag.
ISSI - Fish and chips mun bjóða Grindvíkingum upp á grindvískan fisk og franskar þeim að kostnaðarlausu í Smáranum í dag. Vísir/Samsett

Hjálparsamtökin World Central Kitchen ætla að bjóða Grindvíkingum upp á ókeypis fisk og franskar í Smáranum í Kópavogi í dag. Þar fara fram leikir karla- og kvennaliðs Grindavíkur í körfubolta.

„World Central Kitchen höfðu samband við okkur hjá Grindavík og vildu hjálpa okkur Grindvíkingum. Samtökin vinna á alþjóðavísu og veita mataraðstoð þar sem náttúruhamfarir eiga sér stað,“ kemur fram í færslu Jóns Júlíusar Karlssonar, framkvæmdastjóra Ungmennafélags Grindavíkur, í hópinn Aðstoð við Grindvíkinga á Facebook í dag.

Matarvagninn ISSI - Fish and Chips verður staðsettur fyrir utan Smárann í dag til að seðja hungur grindvískra körfuboltaunnenda í Kópavogi í dag. Jón tekur sérstaklega fram að fiskurinn sé að sjálfsögðu frá Grindavík.

„Við hvetjum því alla Grindvíkinga til að fjölmenna og fá endurgjaldslaust að þiggja Fish & Chips. Fiskurinn er af sjálfsögðu frá Grindavík!.“

Jón þakkar World Central Kitchen og Blikum fyrir gestrisni sína og væntumþykju. „Áfram Grindavík!“

Grindavík Kópavogur Körfubolti Eldgos á Reykjanesskaga Veitingastaðir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið