Erlent

Flug­völlurinn í Ham­borg enn lokaður vegna gísla­töku

Viktor Örn Ásgeirsson skrifar
Mikill viðbúnaður hefur verið á vettvangi.
Mikill viðbúnaður hefur verið á vettvangi. Jonas Walzberg/dpa via AP

Flugvöllurinn í Hamborg er enn lokaður vegna gíslatöku manns sem keyrði vopnaður byssu inn á völlinn í gærkvöld og skaut tveimur skotum upp í loft. Hann er talinn hafa rænt eigin barni í tengslum við forræðisdeilu.

Sálfræðingar og sérþjálfaðir lögreglumenn hafa rætt við manninn í nótt, að því er fram kemur hjá Guardian. Samkvæmt staðarlögreglunni hafa yfirvöld átt í góðum samskiptum við manninn miðað við aðstæður.

Upp úr klukkan átta á staðartíma í gærkvöldi keyrði maðurinn inn um hlið á vellinum, skaut tvisvar upp í loft og kastaði tveimur brennandi flöskum út úr bílnum á ferð. Eiginkona mannsins er sögð hafa haft samband við lögreglu í gær af ótta við að maðurinn myndi reyna að ræna börnunum þeirra.

Eins og fyrr segir er talið að hjónin eigi í forræðisdeilu og lýsir lögreglan í Þýskalandi ástandinu sem gíslatöku. Mikill viðbúnaður hefur verið á vettvangi í nótt og fjölda flugferða hefur verið frestað. Að minnsta kosti 3.200 farþegar hafa lent í seinkunum eða töfum á flugi vegna ástandsins.

Þýskaland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið