Innlent

Besti brid­gespilari Ís­lands látinn

Sólrún Dögg Jósefsdóttir skrifar
Jón er á Hall of Fame lista Evrópska Bridgesambandsins.
Jón er á Hall of Fame lista Evrópska Bridgesambandsins. Bridgesamband Íslands

Jón Baldursson bridgemeistari er látinn. Jón lést aðfararnót laugardags.

Bridgesamband Íslands greinir frá andlátinu í tilynningu þar sem Jón er sagður „án nokkurs vafa besti bridgerpilari Íslands fyrr og síðar.“ 

Jón spilaði sexhundruð landsleiki í bridge fyrir hönd Íslands. Að auki hefur hann unnið ýmsa titla í íþróttinni, þar á meðal Generali master, óopinbera heimsmeistarakeppni í einmenningi, Transnational sveitakeppni og  heimsmeistarakeppni í blönduðum flokki. Þá varð hann tvisvar Norður-Ameríkumeistari.

Jón varð heimsmeistari í bridge þegar íslenska sveitin vann titilinn Bermuda Bowl árið 1991 í Yokohama. 

Hann varð Íslandsmeistari í sveitakeppni í bridge sextán sinnum og Íslandsmeistari í tvímenningskeppni sex sinnum.

Þá varð hann Norðurlandameistari fimm sinnum, síðast árið 2019.

Bridge Andlát
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið