Innlent

Karl Gauti kannast ekkert við kæru

Árni Sæberg skrifar
Karl Gauti veit ekki enn til þess að Ágúst Halldórsson hafi verið kærður.
Karl Gauti veit ekki enn til þess að Ágúst Halldórsson hafi verið kærður. Vísir

Forstjóri Umhverfisstofnunar segir Umhverfisstofnun hafa kært mann, sem fór í óleyfi út í Surtsey og birti myndband af ferðinni á samfélagsmiðlinum TikTok, til lögreglu. Lögreglustjórinn í Vestmannaeyjum kannast ekkert við kæruna.

Forstjóri Umhverfisstofnunar beinir því til fólks að virða eyjuna og segir að annað geti varðað við lög.

„Það getur verið sektir eða fangelsi. Það er auðvitað bara lögreglustjórans í Vestmannaeyjum að meta hvað er viðeigandi viðbrögð í þessu máli,“ segir Sigrún Ágústsdóttir, forstjóri Umhverfisstofnunar.

Margir hafa hringt í dag

Lögreglustjórinn í Vestmannaeyjum kannast hins vegar ekkert við kæruna.

„Ég lét athuga þetta í morgun, af því það er alltaf verið að hringja út af þessu. Þetta er ekkert komið inn, við sjáum þetta ekki í kerfinu og það eru engin bréf hér. Þannig að þetta er bara á leiðinni sjálfsagt ef hún er að segja þetta. En við erum ekki búnir að sjá þetta,“ segir Karl Gauti Hjaltason og bætir við að hann geti ekkert tjáð sig um málið að svo stöddu.

Vestmannaeyjar Lögreglumál Surtsey
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið