Ágústspá Siggu Kling: Ekkert getur stöðvað þig

Sigga Kling skrifar 4. ágúst 2023 07:00

Elsku Steingeitin mín, svo margar óskir sem hafa ræst hjá þér en þú átt það til að gleyma því jafn óðum hversu tæpt þú hefur staðið en alltaf lent á þeirri braut sem þig vantaði.

Steingeitin er frá 22. desember til 19. janúar.

Núna stöðvar þig ekkert og engin því að þú munt gefa sjálfri þér leyfi til þess að vera aðeins djarfari, skapa skemmtilegan mátt í kringum þig. Trúðu á MÁTT þinn þá magnar þú útkomuna margfalt. Það er mikilvægt að þú sért tengdur margskonar hópum til efla þitt tengslanet

Endurnýja þau sambönd við einstaklinga sem að hafa verið góð í fortíðinni en þú hefur ekki sinnt. Þú þarft að dekra ástina sem er í lífinu, gefa henni tíma, það er mikilvægasta undirstaða þín. Þú hefur nefnilega meira til málanna að leggja en þú sjálfur býst við.

Ekkert getur stöðvað þig ef þú leyfir orkunni að flæða. Ekki bíða eftir því að einhver hafi samband við þig til þess að bjóða þér það sem þig langar í, gerðu allt sjálfur til þess að opna nýjar leiðir sem eru auðveldari en þú bjóst við.

Klippa: Ágústspá Siggu Kling - Steingeit

Tjáðu tilfinningar þínar betur með orðum, þú veist alveg hvað þarf að segja, hvað þarf að gera, gerðu það bara. Ekki að hugsa að þú gætir gert þetta, gætir sagt þetta því þar, því þar er stöðnunin fólgin. Það er svo sterkur sigurvegara bogi hjá þér, alheimurinn er að vinna í þínum málum en hann verður að vinna með þér.

Þú hefur sterka réttlætiskennd en stundum hefur réttlætið þurft að víkja og ósanngirni að þínu mati, því ef eitthvað, þá villtu vera meira en sanngjarn. Þú hefur þessa frábæru virku orku, villt gera allt rétt, en stundum ertu ekki viss um hvað sé rétt og hvað sé rangt, því þarf stundum að fá lánaða dómgreind.

Það sem er merkilegast við þetta tímabil sem þú ert að spranga inn í, að ef þú hefur þá tilfinningu að allt sé svart þá breytist það einhvern veginn á augnabliki. Þú ert svo vel tengd og það elska þig allir.

Knús og kossar

Sigga Kling