Erlent

Fundu lík barns í fjöru

Samúel Karl Ólason skrifar
Lögregluþjónar á staðnum þar sem líkið fannst í morgun.
Lögregluþjónar á staðnum þar sem líkið fannst í morgun. Bæjaryfirvöld Roda de Bera

Líkamsleifar ungs barns fundust í fjöru við Miðjarðarhafið í morgun. Talið er að barnið hafi verið tveggja til þriggja ára en líkamsleifarnar eru taldar hafa verið í nokkurn tíma í sjónum.

Líkamsleifarnar fundust Roda de Bera, sem er suður af Barcelona á austurströnd Spánar.

Fjölmiðlar á Spáni hafa eftir ráðamönnum í bænum að líklegt þyki að barnið hafi verið í hópi flótta- og farandfólks sem hafi farist á Miðjarðarhafinu við að reyna að komast til Evrópu. Er það meðal annars byggt á þeim fötum sem barnið var klætt í en líkamsleifarnar eru sagðar vera illa farnar eftir veruna í sjónum.

Samkvæmt frétt El Pais er lögreglan búin að opna rannsókn og er vonast til þess að hægt verði að varpa ljósi á uppruna barnsins og hvernig það dó. Líkamsleifarnar verða krufnar og á að finna einhver svör þannig.

Mikill fjöldi fólks reynir að fara frá Alsír til Spánar á ári hverju. Reuters segir mannréttindasamtök áætla að sú leið sú næst banvænasta á Miðjarðarhafinu undanfarin fimm ár. Til dæmis er áætlað að 464 hafi drukknað í 43 skipsvoðum á þessari leið í fyrra.

Gífurlegur fjöldi fólks frá Afríku, Mið-Austurlöndum og Asíu hefur drukknað í Miðjarðarhafinu á undanförnum árum.

Spánn Flóttamenn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið