Innlent

Aldrei fleiri greinst með lekanda

Hólmfríður Gísladóttir skrifar
Lekandi getur valdið alvarlegum einkennum en einnig verið einkennalaus.
Lekandi getur valdið alvarlegum einkennum en einnig verið einkennalaus. Getty

Metfjöldi greindra tilfella kynsjúkdómsins lekanda greindust hér á landi í fyrra, eða samtals 159. Tilfellum lekanda hefur farið farið fjölgandi síðustu ár en fækkaði þó í heimsfaraldri Covid-19 og voru 96 árið 2020.

Frá þessu er greint í Farsóttafréttum embættis landlæknis.

Af þeim 159 tilfellum sem greindust í fyrra greindust 70 prósent hjá körlum og 30 prósent hjá konum. Kynjahlutfallið hefur sveiflast milli ára. Undanfarin fimm ár hafa flestir greindra verið í aldurshópnum 25 til 34 ára, nema árið 2020 þegar flestir voru á aldrinum 15 til 24 ára.

„Fjölgun tilfella lekanda á árinu 2022 hefur einnig sést í öðrum löndum Evrópu. Í Noregi varð aukning tilfella hjá gagnkynhneigðu yngra fólki. Sérstakar áhyggjur eru þar í landi af aukningu lekandasmita hjá ungum konum þar sem lekandi getur valdið svæsnum sýkingum og ófrjósemi hjá konum. Ekki hafa komið fram ákveðnar skýringar á þessari aukningu en ein af hugsanlegum skýringum sem sóttvarnarstofnun Noregs (Folkehelseinstituttet) hefur sett fram á þessari fjölgun lekandasmita er opnun samfélagsins á ný eftir COVID-19 heimsfaraldurinn,“ segir í Farsóttafréttum. 

Þá segir að vaxandi áhyggjur séu af sýklalyfjaónæmum lekandabakteríum.

Embætti landlæknis
Kynlíf Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið