„Þetta hefur hangið yfir okkur mjög lengi og valdið okkur mikilli vanlíðan“ Vésteinn Örn Pétursson skrifar 2. júní 2023 12:36 Einar segir málið hafa tekið mikið á fjölskylduna. Skýrsla gæða- og eftirlitsstofnunar velferðarmála sé kærkomin til að ljúka málinu. Aðsend/Vísir/Arnar Faðir stúlku með fötlun sem sagði þroskaskertan starfsmann sumarbúðanna í Reykjadal hafa brotið á sér kynferðislega síðasta sumar segir nýútkomna skýrslu um málið vera lið í því að ljúka málinu af hálfu fjölskyldunnar. Málið hafi tekið mikið á fjölskylduna. Foreldrar stúlkunnar, sem greindi frá því á heimferðardegi úr Reykjadal síðasta sumar að þroskaskertur starfsmaður sumarbúðanna hefði brotið á henni með því að snerta einkastaði hennar, eru ánægðir með skýrslu gæða- og eftirlitsstofnunar velferðarmála (GEV) um málið. „Hún fer bara mjög vel og ítarlega yfir málið og sýnir svart á hvítu hvað fór úrskeiðis hjá starfsmönnum Reykjadals og starfsmönnum Styrktarfélags lamaðra og fatlaðra,“ segir Einar Örn Jónsson, faðir stúlkunnar. Skýrslan sýni að engar viðbragðsáætlanir hafi verið til staðar og því hafi starfsmenn ekki vitað hvernig bregðast ætti við frásögn stúlkunnar. „Og í raun gerðu þeir bara illt verra með því að spilla vettvangi, kalla ekki til lögreglu og komu meira að segja geranda undan,“ segir Einar og vísar þar til þess að meintur gerandi hafi verið keyrður heim af starfsmanni eftir að atvikið kom upp. Einar segir málið hafa tekið mikið á fjölskylduna. Skýrsla gæða- og eftirlitsstofnunar velferðarmála sé kærkomin til að ljúka málinu.Aðsend Skýrslan hjálpi til við að ljúka málinu Í skýrslunni er fjallað um að alvarlegur misbrestur hafi verið á viðbrögðum starfsmanna og stjórnenda sumarbúðanna þegar upp komst um atvikið. Viðbrögð hafi verið ámælisverð og ómarkviss. Einar tekur undir það og segir skipta miklu að fá skýrsluna fram, enda staðfesti hún það sem hann og Halla Ingibjörg Leonhardsdóttir, móðir stúlkunar, hafi sagt um málið. „Við viljum einhvern veginn ljúka þessu máli. Þetta hefur hangið yfir okkur mjög lengi og valdið okkur mikilli vanlíðan, sárindum og leiðindum. Það að fá þessa skýrslu það hjálpar til. Það hjálpar til við að ljúka þessu máli og komast yfir þetta.“ Í skýrslunni koma fram athugasemdir foreldra stúlkunnar við frumskýrslu GEV um málið. Þar segja þau ekki rétt að starfsmenn Reykjadals eða Styrktarfélags lamaðra og fatlaðra (SLF) hafi kallað til lögreglu, heldur hafi það verið móðir stúlkunnar. Einar segist við lestur frumskýrslunnar hafa fengið á tilfinninguna að upplýsinga hafi fyrst og fremst verið aflað hjá SLF, sem hafi reynt að fegra sinn hlut í málinu. „En í nýju skýrslunni þá hefur verið haft samband við lögreglu og okkar athugasemdir teknar inn, auk athugasemda frá embætti réttindagæslumanns fatlaðs fólks og fleiri. Þetta er bara mjög vel unnið plagg og við erum í meginatriðum mjög sátt við þetta,“ segir Einar. Vonast til að sjá breytingar Hann voni að skýrslan hafi áhrif til góðs, en veit til þess að þegar sé farið í að koma upp verkferlum og þjálfa starfsfólk Reykjadals til að bregðast við málum sem þessum. Fleira þurfi þó að breytast. „En við myndum gjarnan vilja sjá að það verði hnykkt á þessu í lögum og reglugerðum um starfsemi sumarbúða, og hvers kyns tómstundastarf í raun. Að það verði settar mjög skýrar reglur um öryggismál fyrir alla sem standa að slíkum rekstri eða slíkri starfsemi. Sérstaklega þegar kemur að ofbeldismálum, ég tala nú ekki um kynferðisofbeldi,“ segir Einar. Slíkar reglur ættu að vera skýrar og aðgengilegar, til að koma í veg fyrir að mál sem þetta komi upp. Einar segir að fjölskyldan hafi rætt hugmyndir um slíkt við félagsmálaráðherra og barnamálaráðherra og vel hafi verið tekið í þær. Hann er bjartsýnn á að skýrslan hafi jákvæð áhrif. „Ég held að það sé samfélagslegur vilji til að hafa þessi mál í lagi. Það er enginn sem vill hafa þetta í ólagi.“ Ekki hægt að stoppa lífið Einar segir að málið allt hafi tekið mikið á fjölskylduna sem hafi leitað aðstoðar hjá Stígamótum og sálfræðingum. „Sérstaklega þegar það kemur, eins og í gær þegar skýrslan kemur út, þá ýfir það upp sárin og veldur aukaálagi. En það er samt eitthvað sem við verðum að takast á við og gerir okkur gott á endanum. Þetta er bara hluti af ferlinu, að vinna úr þessu.“ Nú horfi fjölskyldan fram veginn. „Það er ekkert hægt að láta þetta stoppa lífið eða neitt svoleiðis. Við bara höldum áfram og gerum það besta úr stöðunni. Þó þetta sé hræðilegt mál og ég óski ekki mínum versta óvini að lenda í þessu þá verður maður bara að komast í gegnum þetta og halda áfram,“ segir Einar. Í samtali við Vísi staðfestir réttargæslumaður stúlkunnar, Sigurður Freyr Sigurðsson, að rannsókn málsins hjá lögreglu sé að mestu leyti lokið. Málefni fatlaðs fólks Lögreglumál Tengdar fréttir Viðbrögð starfsmanna hafi verið alvarleg, ómarkviss og ámælisverð Viðbrögð starfsmanna sumarbúðanna í Reykjadal voru ómarkviss, ámælisverð og alvarleg þegar níu ára stúka með fötlun sagði þroskaskertan starfsmann hafa brotið á sér kynferðislega. Þetta kemur fram í nýrri skýrslu Gæða- og eftirlitsstofnunar velferðarmála þar sem úrbætur eru boðaðar. 1. júní 2023 19:01 Ámælisverð viðbrögð eftir að þroskaskertur maður braut á barni Samkvæmt nýrri skýrslu Gæða- og eftirlitsstofnunar velferðarmála (GEV) voru fyrstu viðbrögð starfsmanna í Reykjadal ámælisverð þegar þroskaskertur starfsmaður er sakaður um að hafa brotið á níu ára stúlku. Viðeigandi verkferla hafi skort með öllu og fyrstu viðbrögð talin ómarkviss. 1. júní 2023 14:33 Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Skrifa nú undir samninginn sem féll af borðinu eftir hitafundinn Erlent Hiti gæti náð fimmtán stigum Veður Gefur lítið fyrir tal um fyrningu Innlent Fleiri fréttir Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Sjá meira
Foreldrar stúlkunnar, sem greindi frá því á heimferðardegi úr Reykjadal síðasta sumar að þroskaskertur starfsmaður sumarbúðanna hefði brotið á henni með því að snerta einkastaði hennar, eru ánægðir með skýrslu gæða- og eftirlitsstofnunar velferðarmála (GEV) um málið. „Hún fer bara mjög vel og ítarlega yfir málið og sýnir svart á hvítu hvað fór úrskeiðis hjá starfsmönnum Reykjadals og starfsmönnum Styrktarfélags lamaðra og fatlaðra,“ segir Einar Örn Jónsson, faðir stúlkunnar. Skýrslan sýni að engar viðbragðsáætlanir hafi verið til staðar og því hafi starfsmenn ekki vitað hvernig bregðast ætti við frásögn stúlkunnar. „Og í raun gerðu þeir bara illt verra með því að spilla vettvangi, kalla ekki til lögreglu og komu meira að segja geranda undan,“ segir Einar og vísar þar til þess að meintur gerandi hafi verið keyrður heim af starfsmanni eftir að atvikið kom upp. Einar segir málið hafa tekið mikið á fjölskylduna. Skýrsla gæða- og eftirlitsstofnunar velferðarmála sé kærkomin til að ljúka málinu.Aðsend Skýrslan hjálpi til við að ljúka málinu Í skýrslunni er fjallað um að alvarlegur misbrestur hafi verið á viðbrögðum starfsmanna og stjórnenda sumarbúðanna þegar upp komst um atvikið. Viðbrögð hafi verið ámælisverð og ómarkviss. Einar tekur undir það og segir skipta miklu að fá skýrsluna fram, enda staðfesti hún það sem hann og Halla Ingibjörg Leonhardsdóttir, móðir stúlkunar, hafi sagt um málið. „Við viljum einhvern veginn ljúka þessu máli. Þetta hefur hangið yfir okkur mjög lengi og valdið okkur mikilli vanlíðan, sárindum og leiðindum. Það að fá þessa skýrslu það hjálpar til. Það hjálpar til við að ljúka þessu máli og komast yfir þetta.“ Í skýrslunni koma fram athugasemdir foreldra stúlkunnar við frumskýrslu GEV um málið. Þar segja þau ekki rétt að starfsmenn Reykjadals eða Styrktarfélags lamaðra og fatlaðra (SLF) hafi kallað til lögreglu, heldur hafi það verið móðir stúlkunnar. Einar segist við lestur frumskýrslunnar hafa fengið á tilfinninguna að upplýsinga hafi fyrst og fremst verið aflað hjá SLF, sem hafi reynt að fegra sinn hlut í málinu. „En í nýju skýrslunni þá hefur verið haft samband við lögreglu og okkar athugasemdir teknar inn, auk athugasemda frá embætti réttindagæslumanns fatlaðs fólks og fleiri. Þetta er bara mjög vel unnið plagg og við erum í meginatriðum mjög sátt við þetta,“ segir Einar. Vonast til að sjá breytingar Hann voni að skýrslan hafi áhrif til góðs, en veit til þess að þegar sé farið í að koma upp verkferlum og þjálfa starfsfólk Reykjadals til að bregðast við málum sem þessum. Fleira þurfi þó að breytast. „En við myndum gjarnan vilja sjá að það verði hnykkt á þessu í lögum og reglugerðum um starfsemi sumarbúða, og hvers kyns tómstundastarf í raun. Að það verði settar mjög skýrar reglur um öryggismál fyrir alla sem standa að slíkum rekstri eða slíkri starfsemi. Sérstaklega þegar kemur að ofbeldismálum, ég tala nú ekki um kynferðisofbeldi,“ segir Einar. Slíkar reglur ættu að vera skýrar og aðgengilegar, til að koma í veg fyrir að mál sem þetta komi upp. Einar segir að fjölskyldan hafi rætt hugmyndir um slíkt við félagsmálaráðherra og barnamálaráðherra og vel hafi verið tekið í þær. Hann er bjartsýnn á að skýrslan hafi jákvæð áhrif. „Ég held að það sé samfélagslegur vilji til að hafa þessi mál í lagi. Það er enginn sem vill hafa þetta í ólagi.“ Ekki hægt að stoppa lífið Einar segir að málið allt hafi tekið mikið á fjölskylduna sem hafi leitað aðstoðar hjá Stígamótum og sálfræðingum. „Sérstaklega þegar það kemur, eins og í gær þegar skýrslan kemur út, þá ýfir það upp sárin og veldur aukaálagi. En það er samt eitthvað sem við verðum að takast á við og gerir okkur gott á endanum. Þetta er bara hluti af ferlinu, að vinna úr þessu.“ Nú horfi fjölskyldan fram veginn. „Það er ekkert hægt að láta þetta stoppa lífið eða neitt svoleiðis. Við bara höldum áfram og gerum það besta úr stöðunni. Þó þetta sé hræðilegt mál og ég óski ekki mínum versta óvini að lenda í þessu þá verður maður bara að komast í gegnum þetta og halda áfram,“ segir Einar. Í samtali við Vísi staðfestir réttargæslumaður stúlkunnar, Sigurður Freyr Sigurðsson, að rannsókn málsins hjá lögreglu sé að mestu leyti lokið.
Málefni fatlaðs fólks Lögreglumál Tengdar fréttir Viðbrögð starfsmanna hafi verið alvarleg, ómarkviss og ámælisverð Viðbrögð starfsmanna sumarbúðanna í Reykjadal voru ómarkviss, ámælisverð og alvarleg þegar níu ára stúka með fötlun sagði þroskaskertan starfsmann hafa brotið á sér kynferðislega. Þetta kemur fram í nýrri skýrslu Gæða- og eftirlitsstofnunar velferðarmála þar sem úrbætur eru boðaðar. 1. júní 2023 19:01 Ámælisverð viðbrögð eftir að þroskaskertur maður braut á barni Samkvæmt nýrri skýrslu Gæða- og eftirlitsstofnunar velferðarmála (GEV) voru fyrstu viðbrögð starfsmanna í Reykjadal ámælisverð þegar þroskaskertur starfsmaður er sakaður um að hafa brotið á níu ára stúlku. Viðeigandi verkferla hafi skort með öllu og fyrstu viðbrögð talin ómarkviss. 1. júní 2023 14:33 Mest lesið Tilkynnt um mann vopnaðan skotvopni og einn handtekinn Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent „Ég skipaði þá aðila sem ég taldi hæfasta“ Innlent Skrifa nú undir samninginn sem féll af borðinu eftir hitafundinn Erlent Hiti gæti náð fimmtán stigum Veður Gefur lítið fyrir tal um fyrningu Innlent Fleiri fréttir Niðurstöðu um styrkjamálið megi vænta með vorinu „Þetta er mikill merkisdagur fyrir okkur“ Handtóku vopnaðan mann og kröfugöngur verkalýðsins „Ég skipaði þá aðila sem ég taldi hæfasta“ Hátíðardagskrá um allt land á verkalýðsdaginn Tilkynnt um mann vopnaðan skotvopni og einn handtekinn Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Sjá meira
Viðbrögð starfsmanna hafi verið alvarleg, ómarkviss og ámælisverð Viðbrögð starfsmanna sumarbúðanna í Reykjadal voru ómarkviss, ámælisverð og alvarleg þegar níu ára stúka með fötlun sagði þroskaskertan starfsmann hafa brotið á sér kynferðislega. Þetta kemur fram í nýrri skýrslu Gæða- og eftirlitsstofnunar velferðarmála þar sem úrbætur eru boðaðar. 1. júní 2023 19:01
Ámælisverð viðbrögð eftir að þroskaskertur maður braut á barni Samkvæmt nýrri skýrslu Gæða- og eftirlitsstofnunar velferðarmála (GEV) voru fyrstu viðbrögð starfsmanna í Reykjadal ámælisverð þegar þroskaskertur starfsmaður er sakaður um að hafa brotið á níu ára stúlku. Viðeigandi verkferla hafi skort með öllu og fyrstu viðbrögð talin ómarkviss. 1. júní 2023 14:33