Ekki endilega viss um að símakosningin fari vel með Loreen Kristín Ólafsdóttir skrifar 6. maí 2023 10:01 Loreen er talin langlíklegust til sigurs í Eurovision í Liverpool í ár. Svíar hafa skorað hátt hjá dómnefndum keppninnar síðustu ár en ekki alltaf átt upp á pallborðið hjá Evrópubúum þegar þeir taka upp símann. Jeff Spicer/Getty Eurovision-sérfræðingur segir sænskan sigur í Eurovision í ár alls ekki meitlaðan í stein; Finnar gætu vel hreppt hnossið ef dómnefndir verða þeim hliðhollar. Nú þegar stóra stundin nálgast óðfluga gæti hagur Íslands jafnframt vænkast í veðbönkum en hann hefur þó ekki trú á að framlagið hafni ofar en í 15. sæti. Þegar þetta er ritað er hinni sænsku Loreen og lagi hennar Tattoo spáð sigri í Eurovision; 39 prósent líkur nánar tiltekið, segir á síðu Eurovisionworld. Loreen hefur setið ein að fyrsta sætinu um margra mánaða skeið, sat þar meira að segja keik þegar enginn hafði einu sinni heyrt lagið. Finnar hafa þó sótt í sig veðrið síðustu vikur, þeim er spáð öðru sæti á Eurovisionworld, og Frakkar hafa nýlega tekið þriðja sætið af Úkraínumönnum, sem eru nú í því fjórða. Spánverjar eru svo í fimmta sæti. Reynir Þór Eggertsson Eurovision-sérfræðingur er búsettur í Helsinki, raunar nýorðinn finnskur ríkisborgari. Eurovísir fékk Reyni til að greina keppnina í ár; hann er fyrsti viðmælandi þáttarins hér fyrir neðan. Telur að Finnland vinni símakosninguna Reynir er þokkalega ánægður með keppnina í Liverpool. Sjálfur er hann hrifnastur af sínum manni, Finnanum Käärijä og lagi hans Cha Cha Cha. Þá er Reynir einnig ánægður með franska framlagið Évidemment og hið breska I Wrote A Song. Allt framlög sem spáð er góðu gengi í keppninni. En á eitthvert þeirra, eða önnur framlög ef því er að skipta, séns í Loreen? Reynir Þór Eggertsson, Eurovision-sérfræðingur, heldur með Finnum í Eurovision í ár. Enda lagið hlotið afar jákvæðar viðtökur - og Reynir sjálfur nýorðinn finnskur ríkisborgari.úr einkasafni Reynir telur svo vera. Sænskur sigur sé ekki öruggur. „Ég held að þetta verði svolítið keppni á milli símakosningar og dómnefndarinnar. Hvað gera dómnefndir við Finnland? Taka þeir sama pól í hæðina og með Hatara, setja hann neðar en 15. sæti? Eða verða þeir með hann inn á topp fimm? Ef svo er held ég að Finnland vinni. Og ég held að Finnland vinni símakosninguna,“ segir Reynir. „Svo er spurning hvað símakosningin gerir við Loreen. Ég held að hún verði mjög ofarlega hjá dómnefndunum og þó að aðdáendurnir séu að fara yfir um margir hverjir þá er það út af atriðinu, ekki út af laginu í flestum tilvikum. Og lagið er ekki nógu sterkt þannig að þeir sem eru að bera það saman við Euphoria verða fyrir vonbrigðum. Hin sem kannski muna ekki eftir Euphoria muna ekkert endilega hver hún er. Þannig að ég held að hún gæti alveg tapað á því að vera sú sem hún er. Þetta er miklu opnara en tölurnar í veðbönkunum segja.“ „Við erum ekki með sigurkandídat“ Íslandi er eins og síðustu daga og vikur ekki spáð upp úr undankeppninni næsta fimmtudag. En Reynir Þór segir alls ekki alla von úti enn. Æfingatíminn sem nú er farinn í hönd geti skipt miklu máli. „Þegar fara að koma myndir og fólk fer að sjá hvaða breytingar hafa verið gerðar. Svo þegar fyrstu upptökur af hljóði og mynd fara að koma á samfélagsmiðla þá hefur það mjög mikil áhrif. Við sjáum að það er akkúrat þessi æfingatími sem breytir öllu. Þó að það sé orðið langt síðan 2014 þegar Conchita Wurst vann fyrir Austurríki, áður en æfingarnar byrjuðu var stuðullinn á henni 1:50 eða eitthvað svoleiðis. Síðan byrjuðu æfingarnar og hún flýgur upp,“ segir Reynir Þór. Eins og áður segir er Reynir Þór búsettur í Helsinki og hann lýsir rosalegri Eurovision-stemningu úti, enda Finnland eitt aðallaganna í ár. Hann hefur þó ekki orðið var við áhuga á íslenska laginu. Áhuginn hafi hins vegar verið mikill á framlögum Hatara og Daða Freys 2019, 2020 og 2021; Ísland vann Eurovision-þátt finnska sjónvarpsins þrjú ár í röð. „Stemningin í kringum Ísland er engan veginn eins og hún var fyrir tveimur árum af því að við erum ekki með sigurkandídat. Við erum með kandídat í 15.-26. sæti ef hún kemst í úrslit. En Diljá er æðisleg. Og hún átti sigurinn í söngvakeppninni skilið,“ segir Reynir Þór. Vill dómnefndirnar burt Stigagjafarfyrirkomulagi Eurovision var breytt fyrir keppnina í Liverpool. Stig dómnefndar gilda nú ekki á undankvöldunum tveimur heldur aðeins á úrslitakvöldinu. Reynir Þór vill dómnefndirnar burt. „Þetta er æðislega flott sjónvarp eins og þetta er núna en það er ekki gott fyrir keppnina þegar maður horfir upp á að aðalvandamálið núna eru dómnefndirnar. Það eru dómnefndir sem er verið að dæma úr leik. Nú hafa dómnefndirnar ekki áhrif í forkeppnunum en í grunninn eru einu vandamálin sem EBU hefur þurft að takast á við síðustu tíu árin í kringum kosninguna dómnefndir sem hafa svindlað.“ Eurovísir er þáttur um Eurovision - á Vísi! Við kryfjum keppnina, komandi og liðnar, og eltum okkar fólk út til Liverpool. Eurovision Eurovísir Tengdar fréttir Ekki talið öruggt fyrir hana að vera á almannafæri Ágústa Eva Erlendsdóttir söng- og leikkona, sem fór fyrir Íslands hönd í Eurovision í gervi Silvíu Nætur árið 2006, lýsir algjöru fjölmiðlafári kringum atriðið á sínum tíma. Skapofsi Silvíu Nætur kom henni ítrekað í klandur, bæði gagnvart skipuleggjendum Eurovision og grísku þjóðinni. Skömmu eftir keppnina var henni beinlínis ráðið frá því að vera á almannafæri, slík var heiftin úti í Grikklandi. 5. maí 2023 09:01 Mest lesið Í lagi að sætta sig við að vera barnlaus Lífið „Mér finnst mikilvægt að ég segi frá minni hlið“ Lífið Hin raunverulega Martha opnar sig hjá Piers Morgan Lífið Byrjaði að hlaupa til að sýna fyrrverandi í tvo heimana Lífið Baulað á keppanda Ísrael á æfingu Lífið „Sögulegir skór“ Mari Järsk á uppboði Lífið Backstreet-strákur kominn aftur til Íslands Lífið Hera Björk fékk sprengjubrot að gjöf Lífið „Stútfull og við það að springa en hefur aldrei klikkað“ Tíska og hönnun Tónlistarframleiðandinn Steve Albini látinn Lífið Fleiri fréttir Baulað á keppanda Ísrael á æfingu Tónlistarframleiðandinn Steve Albini látinn Backstreet-strákur kominn aftur til Íslands Byrjaði að hlaupa til að sýna fyrrverandi í tvo heimana „Sögulegir skór“ Mari Järsk á uppboði Hafa komist að samkomulagi vegna andláta á Astroworld Í lagi að sætta sig við að vera barnlaus „Mér finnst mikilvægt að ég segi frá minni hlið“ Náttúrulegar bótox-meðferðir án sprautunála „Ef ég gæti hnoðað einn úr tíu bestu væri það himnaríki á jörð“ Hin raunverulega Martha opnar sig hjá Piers Morgan Hera Björk fékk sprengjubrot að gjöf Myndaveisla: Gleði og gæsahúð á forsýningu Sveitarómantíkur Raggi Bjarna þekkti ekki Friðrik Dór með nafni Friðrik Ómar kynnir stig Íslands í Eurovision Ian Gelder úr Game of Thrones látinn „Kastaði upp um nóttina áður en ég fór á sviðið“ Svakalega erfitt en stórkostlegt Anníe Mist fór í keisaraskurð Ungfrú Bandaríkin afsalar sér titlinum Sötrað á Kalda í tíu ár Grease-stjarnan Susan Buckner látin Guðni forseti á samstöðutónleikum í Háskólabíó Hera komst ekki áfram „Af hverju er oft vont að putta sig?“ Eurovision-vaktin: Vonbrigði á fyrra undankvöldi Eurovision Eurovision-hópurinn afklæðist milli atriða Tókst ekki að selja í öll auglýsingaplássin á RÚV í kvöld Ísland geti orðið fyrsta reyklausa landið í heimi Glösin á loft fyrir nýjum burstahreinsi Sjá meira
Þegar þetta er ritað er hinni sænsku Loreen og lagi hennar Tattoo spáð sigri í Eurovision; 39 prósent líkur nánar tiltekið, segir á síðu Eurovisionworld. Loreen hefur setið ein að fyrsta sætinu um margra mánaða skeið, sat þar meira að segja keik þegar enginn hafði einu sinni heyrt lagið. Finnar hafa þó sótt í sig veðrið síðustu vikur, þeim er spáð öðru sæti á Eurovisionworld, og Frakkar hafa nýlega tekið þriðja sætið af Úkraínumönnum, sem eru nú í því fjórða. Spánverjar eru svo í fimmta sæti. Reynir Þór Eggertsson Eurovision-sérfræðingur er búsettur í Helsinki, raunar nýorðinn finnskur ríkisborgari. Eurovísir fékk Reyni til að greina keppnina í ár; hann er fyrsti viðmælandi þáttarins hér fyrir neðan. Telur að Finnland vinni símakosninguna Reynir er þokkalega ánægður með keppnina í Liverpool. Sjálfur er hann hrifnastur af sínum manni, Finnanum Käärijä og lagi hans Cha Cha Cha. Þá er Reynir einnig ánægður með franska framlagið Évidemment og hið breska I Wrote A Song. Allt framlög sem spáð er góðu gengi í keppninni. En á eitthvert þeirra, eða önnur framlög ef því er að skipta, séns í Loreen? Reynir Þór Eggertsson, Eurovision-sérfræðingur, heldur með Finnum í Eurovision í ár. Enda lagið hlotið afar jákvæðar viðtökur - og Reynir sjálfur nýorðinn finnskur ríkisborgari.úr einkasafni Reynir telur svo vera. Sænskur sigur sé ekki öruggur. „Ég held að þetta verði svolítið keppni á milli símakosningar og dómnefndarinnar. Hvað gera dómnefndir við Finnland? Taka þeir sama pól í hæðina og með Hatara, setja hann neðar en 15. sæti? Eða verða þeir með hann inn á topp fimm? Ef svo er held ég að Finnland vinni. Og ég held að Finnland vinni símakosninguna,“ segir Reynir. „Svo er spurning hvað símakosningin gerir við Loreen. Ég held að hún verði mjög ofarlega hjá dómnefndunum og þó að aðdáendurnir séu að fara yfir um margir hverjir þá er það út af atriðinu, ekki út af laginu í flestum tilvikum. Og lagið er ekki nógu sterkt þannig að þeir sem eru að bera það saman við Euphoria verða fyrir vonbrigðum. Hin sem kannski muna ekki eftir Euphoria muna ekkert endilega hver hún er. Þannig að ég held að hún gæti alveg tapað á því að vera sú sem hún er. Þetta er miklu opnara en tölurnar í veðbönkunum segja.“ „Við erum ekki með sigurkandídat“ Íslandi er eins og síðustu daga og vikur ekki spáð upp úr undankeppninni næsta fimmtudag. En Reynir Þór segir alls ekki alla von úti enn. Æfingatíminn sem nú er farinn í hönd geti skipt miklu máli. „Þegar fara að koma myndir og fólk fer að sjá hvaða breytingar hafa verið gerðar. Svo þegar fyrstu upptökur af hljóði og mynd fara að koma á samfélagsmiðla þá hefur það mjög mikil áhrif. Við sjáum að það er akkúrat þessi æfingatími sem breytir öllu. Þó að það sé orðið langt síðan 2014 þegar Conchita Wurst vann fyrir Austurríki, áður en æfingarnar byrjuðu var stuðullinn á henni 1:50 eða eitthvað svoleiðis. Síðan byrjuðu æfingarnar og hún flýgur upp,“ segir Reynir Þór. Eins og áður segir er Reynir Þór búsettur í Helsinki og hann lýsir rosalegri Eurovision-stemningu úti, enda Finnland eitt aðallaganna í ár. Hann hefur þó ekki orðið var við áhuga á íslenska laginu. Áhuginn hafi hins vegar verið mikill á framlögum Hatara og Daða Freys 2019, 2020 og 2021; Ísland vann Eurovision-þátt finnska sjónvarpsins þrjú ár í röð. „Stemningin í kringum Ísland er engan veginn eins og hún var fyrir tveimur árum af því að við erum ekki með sigurkandídat. Við erum með kandídat í 15.-26. sæti ef hún kemst í úrslit. En Diljá er æðisleg. Og hún átti sigurinn í söngvakeppninni skilið,“ segir Reynir Þór. Vill dómnefndirnar burt Stigagjafarfyrirkomulagi Eurovision var breytt fyrir keppnina í Liverpool. Stig dómnefndar gilda nú ekki á undankvöldunum tveimur heldur aðeins á úrslitakvöldinu. Reynir Þór vill dómnefndirnar burt. „Þetta er æðislega flott sjónvarp eins og þetta er núna en það er ekki gott fyrir keppnina þegar maður horfir upp á að aðalvandamálið núna eru dómnefndirnar. Það eru dómnefndir sem er verið að dæma úr leik. Nú hafa dómnefndirnar ekki áhrif í forkeppnunum en í grunninn eru einu vandamálin sem EBU hefur þurft að takast á við síðustu tíu árin í kringum kosninguna dómnefndir sem hafa svindlað.“ Eurovísir er þáttur um Eurovision - á Vísi! Við kryfjum keppnina, komandi og liðnar, og eltum okkar fólk út til Liverpool.
Eurovision Eurovísir Tengdar fréttir Ekki talið öruggt fyrir hana að vera á almannafæri Ágústa Eva Erlendsdóttir söng- og leikkona, sem fór fyrir Íslands hönd í Eurovision í gervi Silvíu Nætur árið 2006, lýsir algjöru fjölmiðlafári kringum atriðið á sínum tíma. Skapofsi Silvíu Nætur kom henni ítrekað í klandur, bæði gagnvart skipuleggjendum Eurovision og grísku þjóðinni. Skömmu eftir keppnina var henni beinlínis ráðið frá því að vera á almannafæri, slík var heiftin úti í Grikklandi. 5. maí 2023 09:01 Mest lesið Í lagi að sætta sig við að vera barnlaus Lífið „Mér finnst mikilvægt að ég segi frá minni hlið“ Lífið Hin raunverulega Martha opnar sig hjá Piers Morgan Lífið Byrjaði að hlaupa til að sýna fyrrverandi í tvo heimana Lífið Baulað á keppanda Ísrael á æfingu Lífið „Sögulegir skór“ Mari Järsk á uppboði Lífið Backstreet-strákur kominn aftur til Íslands Lífið Hera Björk fékk sprengjubrot að gjöf Lífið „Stútfull og við það að springa en hefur aldrei klikkað“ Tíska og hönnun Tónlistarframleiðandinn Steve Albini látinn Lífið Fleiri fréttir Baulað á keppanda Ísrael á æfingu Tónlistarframleiðandinn Steve Albini látinn Backstreet-strákur kominn aftur til Íslands Byrjaði að hlaupa til að sýna fyrrverandi í tvo heimana „Sögulegir skór“ Mari Järsk á uppboði Hafa komist að samkomulagi vegna andláta á Astroworld Í lagi að sætta sig við að vera barnlaus „Mér finnst mikilvægt að ég segi frá minni hlið“ Náttúrulegar bótox-meðferðir án sprautunála „Ef ég gæti hnoðað einn úr tíu bestu væri það himnaríki á jörð“ Hin raunverulega Martha opnar sig hjá Piers Morgan Hera Björk fékk sprengjubrot að gjöf Myndaveisla: Gleði og gæsahúð á forsýningu Sveitarómantíkur Raggi Bjarna þekkti ekki Friðrik Dór með nafni Friðrik Ómar kynnir stig Íslands í Eurovision Ian Gelder úr Game of Thrones látinn „Kastaði upp um nóttina áður en ég fór á sviðið“ Svakalega erfitt en stórkostlegt Anníe Mist fór í keisaraskurð Ungfrú Bandaríkin afsalar sér titlinum Sötrað á Kalda í tíu ár Grease-stjarnan Susan Buckner látin Guðni forseti á samstöðutónleikum í Háskólabíó Hera komst ekki áfram „Af hverju er oft vont að putta sig?“ Eurovision-vaktin: Vonbrigði á fyrra undankvöldi Eurovision Eurovision-hópurinn afklæðist milli atriða Tókst ekki að selja í öll auglýsingaplássin á RÚV í kvöld Ísland geti orðið fyrsta reyklausa landið í heimi Glösin á loft fyrir nýjum burstahreinsi Sjá meira
Ekki talið öruggt fyrir hana að vera á almannafæri Ágústa Eva Erlendsdóttir söng- og leikkona, sem fór fyrir Íslands hönd í Eurovision í gervi Silvíu Nætur árið 2006, lýsir algjöru fjölmiðlafári kringum atriðið á sínum tíma. Skapofsi Silvíu Nætur kom henni ítrekað í klandur, bæði gagnvart skipuleggjendum Eurovision og grísku þjóðinni. Skömmu eftir keppnina var henni beinlínis ráðið frá því að vera á almannafæri, slík var heiftin úti í Grikklandi. 5. maí 2023 09:01