Viðskipti erlent

Bed Bath & Beyond gjaldþrota

Bjarki Sigurðsson skrifar
Bed Bath & Beyond verslanirnar eru 475 talsins og eru staðsettar víðs vegar um Bandaríkin.
Bed Bath & Beyond verslanirnar eru 475 talsins og eru staðsettar víðs vegar um Bandaríkin. Getty/Lindsey Nicholson

Verslunarkeðjan Bed Bath & Beyond hefur óskað eftir greiðslustöðvun í Bandaríkjunum. Mun öllum verslunum þeirra vera lokað á næstu vikum. Verða allar eignir félagsins seldar á næstu vikum. 

Breska ríkisútvarpið greinir frá þessu og segir að ástæðan sé að ekki hafi tekist að tryggja fjármögnun félagsins sem rekur verslanirnar. Hefur félagið átt erfitt uppdráttar síðustu ár vegna mikillar aukningar í starfsemi netverslana. 

Þegar Bed Bath & Beyond var upp á sitt besta árið 2010 voru 970 verslanir staðsettar um öll Bandaríkin en síðustu ár hefur þeim fækkað um helming og eru þær í dag 475 talsins. Verður þeim öllum lokað á næstu vikum.

„Milljónir viðskiptavina hafa treyst okkur í gegnum þeirra mikilvægustu áfanga í lífinu, frá því að fara í háskóla yfir í að gifta sig, frá því að koma sér fyrir á nýju heimili yfir í að eignast barn,“ er haft eftir forstjóra fyrirtækisins, Sue Gove, í tilkynningu. 

Fyrsta verslun Bed Bath & Beyond var opnuð árið 1971 undir merkjunum Bed 'n Bath. Í gegnum árin hafa Bandaríkjamenn geta keypt nánast hvað sem er sem tengist heimilinu í verslunum þeirra. Nýlega greindi félagið frá því að það ætlaði að selja hlutabréf í sjálfum sér að virði 300 milljónum dollara. Ef það tækist ekki væri mögulegt að félagið yrði gjaldþrota. 

Bandaríkin


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið