Erlent

Á­rásar­maðurinn fyrr­verandi starfs­maður bankans

Kristinn Haukur Guðnason skrifar
Frá vettvangi í Louisville
Frá vettvangi í Louisville

Lögreglan í borginni Louisville í Kentucky fylki hefur staðfest að „fjöldi manns“ hafi fallið í skotárás. Búið er að loka af götunni East Main í miðborg Louisville og fólk beðið að halda sig fjarri. En árásin átti sér stað í banka nálægt Slugger Field hafnaboltavellinum og Kentucky International ráðstefnuhöllinni.

BBC greinir frá því að 5 séu látnir og 6 slasaðir. Lögreglan hefur þegar sagt að búið sé að gera árásaraðilann „óvirkan“ og að ekki sé lengur hætta af honum. BBC greinir frá því að hann sé einn hinna látnu.

Um töluvert stóra lögregluaðgerð var að ræða. Þurfti staðarlögreglan að leita til alríkislögreglunnar, FBI, um aðstoð.

„Biðjum fyrir fjölskyldum þeirra sem urðu fyrir árásinni og fyrir allri Louisville borg,“ sagði ríkisstjórinn Andy Beshear, sem var á leiðinni á staðinn. Sjálfur segist hann hafa misst tvo vini í árásinni. Borgarstjórinn, Craig Greenberg, var þegar mættur á svæðið.

Á blaðamannafundi lögreglunnar, sem haldinn var rétt í þessu, kom fram að lögreglan telur að árásarmaðurinn hafi verið einn að verki. Hann hafi verið fyrrverandi starfsmaður bankans.

Lögreglan var mætt á svæðið þremur mínútum eftir að tilkynning barst klukkan 8:30 að staðartíma. Þegar lögreglan mætti var árásarmaðurinn að skjóta úr byssu sinni. Var hann skotinn og lést á staðnum.

Fréttin var uppfærð klukkan 15:22

Bandaríkin Skotárásir í Bandaríkjunum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið