Öll tilboð í nýja Hamarshöll talin of há

Árni Sæberg skrifar 7. apríl 2023 15:49

Hamarshöllin í Hveragerði áður en hún hrundi í óveðri. Meirihluti bæjarstjórnar vill ekki reisa annað uppblásið íþróttahús. VÍSIR/MAGNÚS HLYNUR

Bæjarstjórn Hveragerðisbæjar samþykkti á dögunum að hafna öllum tilboðum sem bárust í byggingu nýrrar Hamarshallar. Ástæðan er sögð sú að öll tilboð sem bárust hafi verið of há, að teknu tilliti til fjárhagsáætlunar bæjarins.

Í fundargerð fyrir fund bæjarstjórnar sem haldinn var þann 3. apríl síðastliðinn segir að tilboðin hafi verið fimm talsins og hljóðað upp á frá rúmlega 1,2 milljarða króna til ríflega 2,4 milljarða króna.

Kostnaðaráætlun fyrir verkið hafi verið 1,1 milljarður króna. Einungis munar 132 milljónum á kostnaðaráætlun og lægsta boði, sem var frá Stárgrindarhúsum ehf..

Þá samþykkti bæjarstjórn að nýta heimild laga um opinber innkaup til þess að efna til samkeppnisútboðs eða samkeppnisviðræðna við bjóðendur sem uppfylltu hæfiskröfu útboðsskilmála. Bæjarstjóra var falið að hefja þær viðræður strax.

Sjálfstæðismenn sátu hjá

Sú tillaga var samþykkt með fimm atkvæðum en báðir bæjarfulltrúar Sjálfstæðisflokksins sátu hjá í atkvæðagreiðslu um hana.

í fundargerð segjast þeir hafa setið hjá í ljósi þess að þeir telji kostnað við bygginguna og framkvæmdatímann áhyggjuefni.

„Þannig er lægsta tilboðið sem kom fram í útboðinu um 64 prósent yfir upphaflegri fjárhagsáætlun. Tilboðin eru það langt umfram getu bæjarfélagsins að lítil sem engin von er til að viðræður við tilboðsgjafana leiði til farsællrar lausnar og muni tefja málið til skaða fyrir bæjarbúa,“ segir í fundargerð.

Þá segir að þeir vilji fara í framkvæmd sem sé fjárhagslega raunhæf fyrir sveitarfélagið, taki stuttan tíma og mæti þörfum íþróttafélagsins og annarra notenda aðstöðunnar.

„Við erum tilbúin að skoða ýmsar leiðir í því sambandi en bendum t.d. á gervigrasvöll í fullri stærð, viðbyggingu við núverandi íþróttahús eða loftborið hús,“ segja Sjálfstæðismenn.

Hveragerði Hamar

Tengdar fréttir

Leggja til nýja Hamarshöll á grunni þeirrar sem fauk: „Búin að vera mikil sorg“

Meirihluti Okkar Hveragerðis og Framsóknar í Hveragerði leggur til að reisa skuli nýja Hamarshöll á grunni þeirrar sem fauk í febrúar fyrr á þessu ári. Höllin skuli reist úr föstum efnum og áætlað er að hún verði tekin í notkun haustið 2023.

22. júlí 2022 10:30

Hvergerðingar gera ráð fyrir rúmlega hundrað milljónum króna í bætur

Fráfarandi bæjarstjóri Hveragerðis segir framtíð Hamarshallarinnar, sem varð mikið bitbein í nýafstöðnum sveitarstjórnarkosningum, alfarið vera í höndum nýrrar bæjarstjórnar. Þá segir hann að gert sé ráð fyrir því að tjónabætur vegna hallarinnar muni nema 108 milljónum króna.

26. maí 2022 11:43

Segja ekki rétt að nýr dúkur hafi verið pantaður á Hamarshöllina

Nýr meirihluti bæjarstjórnar Hveragerðisbæjar segir fullyrðingar fyrrverandi bæjarstjóra um að nýr dúkur hafi verið pantaður á Hamarshöllina ekki réttar.

7. júní 2022 22:27

Gagnrýna að endurreisa eigi 5.000 fermetra hús sem fauk í heilu lagi

Minnihlutinn í bæjarstjórn Hveragerðisbæjar gera alvarlegar athugasemdir við þá ákvörðun bæjarfulltrúa Sjálfstæðisflokks að endurreisa uppblásna íþróttahöll sem fauk í óveðri í febrúar án frekari greiningarvinnu.

14. apríl 2022 21:06

Sjálfboðaliðar fjarlægja dúk Hamarshallarinnar í Hveragerði

Fjöldi sjálfboðaliða er nú við störf í Hveragerði þar sem loftborna íþróttahúsið Hamarshöllin var en hún fauk í miklu óveðri 22. febrúar síðastliðinn. Hlutverk sjálfboðaliðanna er að fjarlægja dúkinn, sem er um sex þúsund fermetrar.

2. apríl 2022 14:04

Hvergerðingar taka höndum saman og krakkarnir þakklátir

Hvergerðingar hyggjast taka höndum saman við að endurbyggja Hamarshöllina sem eyðilagðist í óveðrinu sem gekk yfir í gærmorgun og margir ætla að gefa vinnu sína. Þeir segja þetta mikinn skell fyrir samfélagið en ætla að taka þetta á jákvæðninni.

23. febrúar 2022 23:30

Hamarshöllin í Hveragerði fokin

Hamarshöllin, risa blöðru íþróttahús er fokin og stendur grunnur hússins aðeins eftir. Aldís Hafsteinsdóttir, bæjarstjóri í Hveragerði staðfesti að höllin hafi fokið snemma í morgun í ofsaveðri í Hveragerði.

22. febrúar 2022 09:54

Hamarshöllin risin

Nýja Hamarshöllin í Hveragerði er risin. Er þetta fyrsta loftborna íþróttahúsið á Íslandi.

8. júlí 2012 10:13

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.