Aðstandendur myndarinnar Óráðs voru samankomnir í Smárabíói í gær á sérstakri hátíðarfrumsýningu.Hulda Margrét
Í gær fór fram sérstök hátíðarfrumsýning á íslensku hryllingsmyndinni Óráði í Smárabíói. Myndin fer í almenna sýningu á morgun en leikarar og aðstandendur myndarinnar tóku forskot á sæluna í gær ásamt góðum gestum.
Myndin fjallar um Inga, ungan fjölskylduföður sem er að reyna koma undir sig fótunum að nýju eftir að hafa orðið valdur að hræðilegu slysi. Þegar hann finnur leigjanda látinn í Airbnb íbúð sinni fer að halla undan fæti hjá honum. Dularfullir hlutir fara að gerast þegar Ingi reynir að púsla saman fortíð mannsins á sama tíma og hann forðast að gera upp sína eigin.
Með aðalhlutverk fara þau Hjörtur Jóhann Jónsson og Heiðdís Chadwick en í öðrum hlutverkum eru Steindi Jr., Guðmundur Ingi Þorvaldsson, Kristbjörg Kjeld og Jóhann Sigurðsson.
Leikstjóri er Arró Stefánsson en þetta er í fyrsta sinn sem hann bregður sér í leikstjórastólinn. Hann á að baki fimmtán ára feril sem kvikmyndatökumaður og hefur skotið þáttaraðir á borð við Hreinan Skjöld og Steypustöðina. Þá hefur hann einnig starfað við auglýsinga- og þáttagerð í Japan.
Ljósmyndarinn Hulda Margrét var viðstödd hátíðarfrumsýninguna í gær og fangaði hún stemningu á myndir sem skoða má hér að neðan.
Hjörtur Jóhann, Arró Stefánsson leikstjóri og Heiðdís Chadwick.Hulda MargrétSteindi Jr og Arró féllust í faðma. Þeir hafa unnið mikið saman í gegnum tíðina, meðal annars að þáttunum Hreinn Skjöldur og Steypustöðin.Hulda MargrétArró Stefánsson leikstjóri og Inga Tinna Sigurðardóttir athafnakona.Hulda MargrétMarkús Hjaltason og Ágúst Bent.Hulda MargrétLeikarinn Jónas Alfreð og unnusta hans Lára Theódóra Kettler.Hulda MargrétUnga fólkið skemmti sér vel á hátíðarfrumsýningunni.Hulda MargrétHulda MargrétAðstandendur myndarinnar í góðum gír.Hulda MargrétArnar Benjamín Kristjánsson, framleiðandi myndarinnar.Hulda MargrétHulda MargrétHulda MargrétBúningur nornarinnar úr Óráði.Hulda MargrétBíógestir biðu með eftirvæntingu eftir því að myndin byrjaði.Hulda MargrétMyndin fer í almenna sýningu á morgun, 31. mars.Hulda Margrét
Vísir frumsýnir hér fyrstu stiklu úr íslensku kvikmyndinni Óráð. Um er að ræða fyrstu íslensku hrollvekjuna sem kemur út í langan tíma en hún er væntanleg í kvikmyndahús þann 31. mars.
