Innlent

Logar enn í sinu við Óttar­sstaði og staðan tekin í morguns­árið

Hólmfríður Gísladóttir skrifar
Enn logar í sinu og mosa.
Enn logar í sinu og mosa. Slökkviliðið á höfuðborgarsvæðinu

Slökkvilið höfuðborgarsvæðisins er enn á vettvangi við Óttarsstaði, nærri Straumsvík í Hafnarfirði, þar sem kviknaði í sinu í gær. Mikill mannskapur var að störfum í gær og vakt á svæðinu í alla nótt.

Frá þessu greinir á Facebook-síðu slökkviliðsins á höfuðborgarsvæðinu.

Enn logar í sinunni í hrauninu, enda erfitt að komast að. Staðan verði tekin þegar líður á morguninn og næstu skref ákveðin.

Dælubílar hafi farið í fjögur önnur verkefni á síðasta sólahring og sjúkrabílar sinnt 100 sjúkraflutningum.

Vísir greindi frá því í gær að tilkynning hefði borist um sinubruna við Straumsvík rétt eftir klukkan 13 í gær en upptök hans mætti rekja til fikts nemenda í Menntaskólanum í Kópavogi með svokallað kúlublys.

Settar voru upp varnarlínur til að takmarka útbreiðslu eldsins og þá náðist að bjarga tveimur húsum.

„Það er gríðarlega þurr jarðvegur hérna og svo blæs mikið, þetta er búið að vera mjög erfitt og krefjandi,“ sagði Finnur Hilmarsson varðstjóri í kvöldfréttum Stöðvar 2.

Slökkvilið Hafnarfjörður Gróðureldar á Íslandi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið